Accessibility links

Кайнар хәбәр

Waqıtlı Ğiraq xökümäte yaña iminlek qanunnarın iğlan itte


Waqıtlı Ğiraq xökümäte başlığı İyad Älläwi yaña iminlek qanunnarına qul quydı. Älege qanunnar suğıştan soñğı Ğiraqta wazğiätne yaxşırtu öçen eşliäçäk, dip belderä Ğiraq räsmiläre. Eçke eşlär ministrı Mälik Dohan al-Hassan, bu qannunar qayber ireklelärne çikli, xökümät monı yaxşı añlıy, dip belderde: "Yaña Ğiraq – demokratik il bulırğa tieş, häm anıñ töp maqsatları – keşe xoquqların häm irekleklärne xörmät itü. Şuşı maqsatlar häm ğadättäntış wazğiät qanunı arasında älegä qarşılıqlar bulırğa mömkin. Ämma xäzerge wazğiät häm ildäge totrısızlıq näq şuşı qanunnarnı ğamälgä kertüne taläp itä. Xäzerge wazğiät tormışnıñ barlıq ölkälärenä tä'sir itä," dide Ğiraq eçke eşlär ministrı.

Ul arada Ğiraqta köç qullanu däwam itä. Başqalanıñ ilçeleklär häm Ğiraq xökümäte urnaşqan "yäşel zonasına" raketalar atılğan, berniçä keşe yaralanğan dip xäbär itelä. Ğiraqnıñ keşe xoquqları ministrı Bäxtiär Amin, xökümät köçläre 29 çit il suğışçısın qulğa aldı, dip belderde. Alar arasında Morokko, Yemen, İran, Süriä, Yordan, Törkiä watandaşları bar.
XS
SM
MD
LG