Rusiäneñ iñ ere bankları isemlegendä 22nçe urında torğan Guta Bankınıñ finans krizis säbäple üzeneñ Mäskäw häm Peterburdağı bülekçlären yabuı başqa banklarğa da tä'sir itte. 5 ere bank arasında bulğan Alfa bank – xalıqnıñ krizistan qurqıp üz xisaplarınnan küpläp aqça ala başlawı da – qıyınlıqlar tudırdı, dip xäbär itte. Däwlät qaramağında bulğan Vneştorgbank, Üzäk Banktan alğan kreditqa Guta Bankın satıp alırğa cıyına. Bu xaqta Üzäk Bank citäkçese Sergei İgnatyev xäbär itte. İgnatyev süzlärenä qarağanda, Rusiädä banklar krizisı yuq, älege problema kübräk psixologik häm qısqa waqıt eçendä wazğiät normalgä qaytaçaq.
