Äfğanstannıñ BMO yardämendä tözelgän saylaw komissiäse bügen prezident Hamid Qarzai xakimiäte wäkilläre belän oçraşa. Köntärtibendä ildäge prezident häm parlament saylawlarınıñ könen bilgeläw tora.
Berläşkän Saylaw İdaräseneñ matbuğat wäkile Cäwid Ludin süzlärenä qarağanda, prezident saylawların sintäbr azağı yä üktäbr aylarında uzdırıp bulaçaq, ä menä 249 keşelek parlamentqa saylawlar ildäge totqısızlıq säbäple kiläse yıldan da irtäräk ütä almas: "Saylawlarnı qayçanğa bilgeläw – bu saylaw komissiäse eşe. Komissiä wäkilläre sişämbe könne Äfğan xökümäte belän oçraştı häm alar soñıraq üz qararın iğlan itäçäk. Bügenge söyläşülärdän soñ saylawlarnı uzdıru waqıtı bilgele bulaçaq," dide saylaw idaräseneñ matbuğat wäkile Cäwid Ludin.
Başta prezident saylawları Äfğanstanda iüngä bilgelängän ide. Läkin soñıraq, xalıqnıñ terkälmäwe häm ildäge xärbi wazğiät säbäple tawış birü sintäbrgä küçerelde. Prezident saylawları xäzer inde Äfğannarnıñ "Mizan" digän ayında bulır dip kötelä. Bu – 22 sintäbr belän 21 üktäbr arası.
Berläşkän Saylaw İdaräseneñ matbuğat wäkile Cäwid Ludin süzlärenä qarağanda, prezident saylawların sintäbr azağı yä üktäbr aylarında uzdırıp bulaçaq, ä menä 249 keşelek parlamentqa saylawlar ildäge totqısızlıq säbäple kiläse yıldan da irtäräk ütä almas: "Saylawlarnı qayçanğa bilgeläw – bu saylaw komissiäse eşe. Komissiä wäkilläre sişämbe könne Äfğan xökümäte belän oçraştı häm alar soñıraq üz qararın iğlan itäçäk. Bügenge söyläşülärdän soñ saylawlarnı uzdıru waqıtı bilgele bulaçaq," dide saylaw idaräseneñ matbuğat wäkile Cäwid Ludin.
Başta prezident saylawları Äfğanstanda iüngä bilgelängän ide. Läkin soñıraq, xalıqnıñ terkälmäwe häm ildäge xärbi wazğiät säbäple tawış birü sintäbrgä küçerelde. Prezident saylawları xäzer inde Äfğannarnıñ "Mizan" digän ayında bulır dip kötelä. Bu – 22 sintäbr belän 21 üktäbr arası.
