Accessibility links

Кайнар хәбәр

Qazan kremlendä – sensatsion tabıldıq


Qazan kirmänendä fänni sensatsiä bulırğa layıqlı xannar törbäse tabıldı. Söyembikä manarası töbendä qazu eşlären alıp baruçı eşçelär, borınğı binanıñ nigezenä tap bula. Arxeologlar anı xannar kümelgän törbä, mavzoley qaldıqları dip, farazlıy. Qazan xanlığınıñ tarixında yaña säxifä açılırğa tora. Şuşı tabıldıq turında turıraq itep, Tarix institutınıñ milli arxeologik tikşerenülär üzäge citäkçese Ayrat Sitdiqov söyläde.

Bu Qazannıñ iñ borınğı öleşe. Mavzoleylar üzläre Mäxmüt xan ülgäç 15 ğasırlarda tözelä. Ana bar xanlarnı da kümep bara torğan bulalar. Barısı 6 xan bulırğa tieş. Xäzergä 3 mastaba açıldı

Belgeçlär añlatqança, mastaba – ul qäberlär östen qaplıy torğan taş plitä, qorılma. Anıñ astında xannar söyäkläre yatarğa tieş. Xäzerge waqıtta belgeçlär, bu xannar törbäse turında fiker alışa. Açırğamı anı, yuqmı, ällä kiläse ğasırlarnıñ texnologiälärenä ömet itep, aldağı ber 100 yılğa saqlap qalırğamı, dip uylana ğalimnär.

70nçı yıllarda Alfred Xalikov ütkärgän tikşerenülärne sanamağanda, Qazan arxeologlarnıñ däwlät eşlekläreneñ kümelgän cirläre tabılğanı bulmağan. Şuña kürä bu tabıldıqnıñ tarix fäne öçen bik zur. Xan törbäse açılğan oçraqta, ğalimnär bu waqiğa, mäğlümät çaraları wäkillären dä çaqırırğa uylap tora. Bez dä Azatlıq radiosı tıñlawçılarına alarnı citkererbez.

Bikä Timerova

XS
SM
MD
LG