Bügen irtän Bagdadtnıñ çit il ilçelekläre , AQŞ xärbi başkvartirası häm waqıtlı xökümät ofisları urnaşqan ''Yäşel Zona'' dip yöretelgän nıq saqlanğan şähär öleşeneñ kereşendä şartlatılğan bomba in kimendä 10keşene üterde. İnsident urınına kilgän Ğıraq premyer ministırı İyad Allawi (audio)
Bu Ğıraq xalqına qarşı eşlängän tağı ber cinayät dip äytte.
Bagdadtağı xabärçebez normal eş köne bulsa ide ülüçülär sanı küpkä kübräk bulır ide, çönki ğädättä Ğıraq häm amerikan räsmiläre belän oçraşu öçen kilgän jurnalistlar häm başqaları monda kontroldän ütä dip belderde. Bügen Ğıraq patşa Faisal 2neñ üterelgän puçnıñ 46nçe yılın iskä ala, yal köne. AQŞ armiäse polkovniğı Mike Murray kontrol punktında jurnalistlarğa (audio)
Bügen irtän 9.15 tiräsendä ber maşina kontrol puktınınan kerergä tırıştı häm şartladı. Bez anıñ intixar terrorçısı buluına ışanabız . Ul ber qayçanda maşinadan çıqmadı dip äytte.
Bu şartlaw ,radikal islamçılar tarafınnan üterelgän bolgar totığı mäsäläsen tikşergän Ğıraq administratsiäsenä yaña borçılu östäde.Bolgarstan Ğıraqtağı xalıqara köçlärneñ ber öleşen täşkil itän, Kärbälädä torğan 500 keşelek xärbi törkeme anda torırğa däwam itäçäk dip belderde. Çärşämbedäge şartlawdan berniçä säğät elek , Filipin tışqı eşlär ministırı Delia Albert Ğıraqtağı xärbilären çığara başlayaçaq dip iğlan itte. Bu inde filipin watandaşın üterü belän kisätkän ğıysyançılarnıñ taläplären ütäw bulıp tora. Albert süzlärençä(audio)
tışqı eşlär ministırlığı saqlanu ministırlığı belän Ğıraqtağı humanitar kontingentnıñ çigenü eşen oyıştıra . Bügennän başlap Ğıraqtağı ğäskär sanı 51dän 43 kimitelä.
Waşingtonda Däwlät Departamentı süzçese R.Boucher terrorçılarnıñ taläplären ütämäskä , qararnı yañadan küzdän kiçerergä çaqırdı.Richard Boucher (audio)
Bez hiç şiksez işarälärne kürdek. Ğıraq totrıqlılıq häm tınıçlıq urnaştıru öçen köräşkändä mondıy işarälärne kürü bezne nıq borçıdı dip äytte Boucher .
Filipin totığınıñ yazmışı bilgele tügel
färidä xämit,praga
färidä xämit,praga