Accessibility links

Кайнар хәбәр

Britaniä xökümäteneñ Ğıyraq suğışı aldınnan qullanğan küzläw mäğlümätlärendä citdi problemnar häm citeşsezleklär tabıldı


Bügen komissiä iğlan itkän xisapta, suğış başlarğa töp säbäplärneñ berse: yänäse Ğıyraqnıñ küpläp yuq itü qoralı buluı, ışanıçlı mäğlümät belän raslanmağan, dip äytelä. Şul uq waqıtta bu xisapnı äzerläwçelär, Britaniä premer ministrı Tony Blair kabinetı, Ğıyraqta suğış başlaw öçen alar alğan küzläw mäğlümätlären berniçek tä bozıp kürsätmägän, dip bilgeläp ütä. Blair maxsus xezmät xatasındağı cawaplılıqnı üz östenä alıp bolay dide:”Xisapta äytelgän barlıq yalğışlar öçen dä min cawplımın. Döresen genä äytkändä, Saddam Xösäyennän qotılunı yalğış buluı belän kileşä almıym”. Oppozisiädäge Konservativ partiä başlığı Michael Howard premer ministrğa ”Bu cawaplılıq mäsäläse tügel, ä ışanıç mäsäläse. Yaqın kiläçäktä bu ilgä yaña suğışta qatnaşu yanamıy dır dip ömetlänäm. Ägär bula qalsa, nindi qurqınıç yanağanın premer ministrğa xäl itergä qaldırılsa, il aña ışanır mikän”, dip äytte.
XS
SM
MD
LG