Quşma Ştatlar däwlät sekretareneñ urınbasarı Djon Bolton bügen Seulda Tönyaq Qöreyänıñ atom töş programı qurqınıçın beterü yulları turında söyläşülär ütkärde. “Tönyaq Qöreyänıñ atom töş programı tiräsendä tuğan kierenkelekne çişü öçen prezident Buş tınıç, diplomatík yul tabırğa cíına. Bez ähämiätle täqdimnär yasadıq häm xäzer Tönyaq Qöreyädän cawap kötäbez”, dip äytte Djon Bolton. Äle yaña ğına Qıtayda bulğan söyläşülär waqıtında Quşma Ştatalar Qöreyä xalıq demoqratik republígına täqdim belän çıqtı. Ägär dä Pxenyän atom töş programınnan baş tartsa, AQŞ anıñ änergetiqä tarmağın üsterüdä yärdäm itäçäk.
