Accessibility links

Ğiraqta saqlanu ministrlığınıñ yuğarı räsmi wäkilen üterdelär


Saqlanu ministerlığınıñ mätbuğat wäkile Radi Badr xäbär itkänçä, İssam Jässem Qasím Bağdatta, üz öye yanında kiçä kiç atıp üterelde. Anıñ belän bergä saqçısı da hälaq buldı. Qasím, yaña saqlanu ministerlığına bilgelängän 20 generalnıñ berse ide. Bügen Bağdatta polísí binası yanında maşínağa quyılğan mina şartlap, kim digändä 9 keşe hälaq buldı, 60 lap keşe yaralandı. Xakímítlar, maşínanı terrorçı intixar yörtkän dip xäbär itä. Şartlaw irtä belän keşelär äşkä barğan waqıtta buldı. “Bu xäl menä monda buldı. Polísí binası yanındağı gäyepsez keşelär yäşägän yortlarğa häm alarnıñ üzlärenä dä zían kilde” dip äytte jurnalistlarğa şartlawnı kürüçelärneñ berse. Britanínıñ saqlanu ministerlığı xäbär itüençä, Ğíraqnıñ könyäğında Basra şähärendä Britan xärbi boralağı cimerelep töşkän. Boralaqtağı ber xärbi hälaq bulğan, ike keşe yaralanğan.
XS
SM
MD
LG