Ul autonomiä başlığı Yäser Arafatnıñ qatğí taläben ütäde. Arafatnıñ töp kiñäşçese Nabil Abu Rudeyna bolay dip xäbär itte: “Arafat premier ministernıñ otsqawqasın räsmi räweştä qabul itmäde. Häm şuña kürä, Qorí xökemät başlığı bulıp qala. Häm ul qäbinetqa xärtörle üzgäreşlär kertä ala”. BMOnıñ general sekretare Qöfi Annan, autonomiä, Yaqın könçığışta tınıçlıq urnaştıruğa tözätä almaslıq zían kiterüçe, bik qatı krizis aldında, dip belderde. Ayırım alğanda ul bolay dide: “Autonomiä premierı Qorí krizis üzägendä. HÄm minem uylawımça, Arafatqa premiernı häm citäkçelekneñ böten äğzaların da tıñlarğa kiräk. Xälne kontrolgä alu öçen kiräkle çaralar kürelergä tieş. Häm iminlek köçläre buldıruda İordaní, Misır häm dönya cämäğätçelege belän xezmättäşlektä bulu kiräk”. Uzğan atnada Arafat autonomiäneñ iminlek xezmäteneñ başlığı itep üz tuğanın bilgelägän ide. Ämma köçle qarşılıqlardan soñ qararın kire alırğa mäcbür buldı.
