Sişämbedä Äfgan prezidentı H.Qarzai ilneñ in köçle 3suğışçan törkemeneñ citäkçelären armiä komandirlığınnan buşatıp, alarğa yuğarı däräcäle sivil poslar birde. Prezident süzçese Jawid Ludin(audio)
Nengrahar wilayäte divizisiäse komandirı general Hazrät Ali şuluq wilayätneñ politsiä başlığı, Qandahar diviziäse komandirı general Xan Möxämmäd şuluq wilayätneñ politsiä citäkçelege postına . Balx wilayäte diviziäse komandirı general Atta şul wilayätneñ gubernatorı itep täğäyenlände dip belderde.
Ludin äytüenä qarağanda 3komandir da üzgäreşkä riza bulğan. üzäk xökümätneñ xakimiäten wiläyät töbäklärdä arttıru mäqsatın quya bu üzgäreşlär, çönki älegä qädär bu urınnar nigezdä cirle komandirlar,qabilä çitäkçeläre tarafınnan başbaştaqlarça idarä itelde. Prezident saylawları Äfganstanda 9nçe üktäberdä ,parlament saylawları isä kiläse yılnıñ aprelendä ütkärelä. Sişämbedä iğlan itelgän üzgäreşlärneñ çınlap ta täsire bulaçaqmı? qayber analitik häm jurnalistlar qaraşınça, üzgärgän närsä räsmi däräcä, isemnär genä , suğışçan törkem citäkçeläreneñ köçe quäte ul wilayettä kimimi. Süzçe Ludin üzgäreşlär däwam itäçäk dip östägän ide. Reuter Brükseldä urnaşqan Xalıqara Krizis Törkeme analitiğı Vikram Parekhkä tayanıp bolay dip belderä:3 citäkçe dä üz wilayätlärendä qaldırılıp, urınnarı ğına alıştırıldı, suğışçlar eleke komandirlarına turılıqlı bulıp qalaçaq.Alarnıñ xakimiät bazası iqtibar cälep itäçäk däräcädä kimemäde.
Qarzai ,AQŞ citäklägän koalitsiä köçläre Taliban rejimın bärep töşergännän soñ,xakimiätkä kilde.Qarzai, Quşma Ştatları, BMO häm başqalarınıñ basımı astında suğışçan törkem, qabilä citäkçeläre qaramağındağı urınnarda üzäk xökümät täsiren urnaştırırğa tırışsa da, ällä ni uñışlı buldı dip äytep bulmıy. Küptän tügel genä ilbaşı bu fraksiälär il stabillığı öçen Taliban suğışçılarınnan da kübräk qurqınıç tudıra dip äytkän ide. General Atta Azatlıqqa birgän ängämädä , Qarzainıñ añı xärbi posttan çitläşterüen tanığan. (audio)
Armiäneñ 7nçe diviziäseneñ komandası saqlanu ministırı häm prezident qaramağında. Alar bu urınğa üzläre telägän keşene saylıy ala.
Ämma Atta üzäk xökümät xezmättäşlek itär dip ömed itä, Ul bolay dip söyläde(audio)
xalıqnıñ häm üzäk xökümätneñ yaqlawı minem köç çığanağım bulaçaq. Ägär dä rekonstruksiä prosesında däwlät yardäm itmäsä, keremnärne üzläre qaramağında barğan rekonstruksiä öçen bezgä qullanırğa birmäsä , keşelärneñ problemaları çişelmi qalsa , min çigenäçäkmem.
Atta Möxämmäd tönyaqta Balx wilayäte gubernatorı itep bilgelände. Mazarı Şärif şähre dä şul provinsiädä. Attanıñ başlıça tadciklardan torğan suğışçan törkeme Mazarı Şäriftä urnaşqan general Abdul Räşid Dostumnıñ üzbäk suğışçıları belän baytaq waqıt suğıştılar. Attanıñ gubernator buluı, köndäşe general Dostumğa ber dä oşamıyaçaq . Küzätüçelär komandirlarnıñ şuluq urınnarda yaña poslarğa bilgelänüe, Qarzainıñ saylawlardan elek yaña säyäsi doşmannar telämäwen kürsätä dip äytä.60meñ çaması dip farazlanğan qorallı suğışçlarnıñ 40% iyün azağına qädär qoralsızlandırılırğa tieş ide. Alarnıñ 11 meñe genä qoralların taşlağan. Sişämbedä Taliban citäkçese Mulla Omarneñ qaynışı Mulla Amanullah qulğa alındı dip belderde xabär agentlıqları
färidä xämit,praga
färidä xämit,praga