Yevropa Berlege räise wazifasın ütägän Hollandiäneñ premyer-ministrı Jan Peter Balkenende, Berlekneñ Törkiä mäs'äläsendäge qararı "islamnan qurqu"ğa ber dä bäyle bulmayaçaq, dip belderde. Yevropa Parlamentında çığış yasap, Balkenende, dekabr ayında Berlek citäkçeläre Törkiäneñ säyäsi häm iqtisadi xälen "ğadel" tikşeräçäk, yaña taläplär quymayaçaq, dide. Möselman ile Törkiäneñ Yevropa Berlegenä quşılu mäs'äläse Berlekneñ üzendä kisken bäxäslärgä säbäp buldı. Hollandiä - 1nçe iüldän alıp aldağı 6 ayda Yevropa Berlege räise wazifasın başqaraçaq.
