Törkiädä timer yulı qazası

İstanbuldağı xabärçebez Äxtäm İbraxim Törkiädä xalıqnı teträtkän timer yulı qazası turında bolarnı söyläde:(audio) İstanbulnıñ 100çaqırım könyaq-könçığışında Pamukova şähäre yaqınında bulğan qaza urınına premyer Tayip Recep Erdoğan da kilde .Ul baştağı 140keşe häläk buldı digän xabärlärne kire qağıp(audio) tirä yaqtağı xästäxänälärdän alğan mäğlümätkä kürä 36keşe ülgän , 81 keşe yaralanğan dip äytte Timer Yulları İdaräse poez 234 pasajir häm 9 ekipaj belän yulğa çıqqan ide dip belderde. Premyer Erdoğan Ankarağa qaytıp kitkänçe, qazanıñ säbäbe bilgele bulğaç xakimiätlär belderü yasayaçaq dide. Törkiä Däwlät Timer Yulları idaräse citäkçese Suleyman Karaman qazağa ber nindi dä terror aktı sabotaj säbäp bulmadı dip belderde. 4nçe iyündä berençe säfären yasağan poezğa yäşel utnı premyer üze yandırğan ide. Törkiäne timer yulları çeltärenä äyländerü niätendä bulğan Erdoğan ispanya belän xezmättäşlek näticäsendä Ankara-İstanbul arasındağı yul 2005nçe yıl azağında 3 säğät ä annan soñ 2 säğät yarım ğına bulaçaq dip söylägän ide 4nçe iyünde. Kiçä isä jurnalistlarnıñ soraularına cawap birgändä dönyanıñ här urınında mondıy qazalar bula dip kenä äytte. Kiçä kiç vagonnarnıñ yuldan çığuına närsä säbäp buldı son? Zamança poezlar, Törkiädä baytaq waqıt qızu diskussiälärgä säbäp bulıp tora. Belgeç, profesorlar iske timer yulları iske infrastruktura yañartılmıy 150 çaqırım tizlegendä barğan poezlarnı quyu qurqınıçlı dip belderep kilde Bigräk tä TU professorı Aydin Erel poeznıñ yuldan çığıp äylänüe qotılğısız dip äle 2 atna elek kenä gazettä yazıp çıqqan ide . Ul bügen NTV ütkärgän mätbuğat oçraşuında min Timer yulları idaräsennän İstanbul –Ankara arasındağı bu poeznıñ yörüen bütenläy tuqtatuların 5nçe iyündä häm 14nçe iyündä sorağan idem dip äytte Timer Yulları räsmiläre yul borılışlı bulğan öçen poez bik tiz barmadı dip äytsä dä . qotılğan yulçılarnıñ berse(audio) barlıq detallärne xäterlämim, ämma poez kisäk tizlänep kitte , tuzan kütärelde, bik qatı cir selkengän kebek selkendek.. dip söyläde. Timer yulların yañartunı prioritet itep quyğan Premyer öçen bu zur orım , çit il säfärennnän dä vazkiçkän Erdoğan mätbuğat, jurnalistlarnıñ tranport ministırı urınınan kitäçäkme digän soraularına , tiskäre cawaplar birä. Gazet basmalar belgeçlärneñ kisätüenä qolaq salmağan räsmilärne tänqitlep, küpläp üterü , ekspress belän ülemgä digän başlıqlar astında maqalälär urnaştırdı..

färidä xämit,praga