Groznıy. Maşinasınıñ şartlawı näticäsendä bügen Çeçnä başqalasında, militsiäneñ oyışqan cinayätkä qarşı köräş alıp barğan bülekçäse xezmätkäre Yaragi Nikayev hälak bulğan. Maşina anı qabızğan çaqta şartlağan, näticädä Nikayevnı eşenä ozata çıqqan xatını da awır cäräxätlär alğan. Xakimiat, monıñ artında kemnär toruı xaqında üzendä älegä mäğlümatı yuq dip belderä.
