Accessibility links

Кайнар хәбәр

Demokratlar qorıltayı: möselmannar, ğäräblär tawışların işetterergä tırışa


AQŞta bıyılğı prezident saylawlarında ğäräb häm möselman amerikannnarğa keçkenä ämma potensial täsire bulğan saylawçı törkeme dip qarala.Bostonda barğan demokratlarnıñ qorıltayında alar ütkän yılğa qarağanda küpkä kübräk.Bu törkem, partiä namzäte J.Kerry täqdim itkän säyäsätne açıqça yaqlawğa qarağanda , respublikan prezident G.Bushqa qarşı buluın kürsätä

Möselman amerikan Maya Berry 12 yıl elek Demokratlar qorıltayında fälästinnärneñ üzbilgelänü xoququ bar dip yazılğan plakat kütärep çıqqan bulğan.Ul cıyın turında Berry bezneñ xabärçegä(audio) 1992nçe yılda min monda bulğanda yäşräk häm älbättä säyäsätne dä azıraq belä idem. Ämma min üzemne qorıltayda ğäräb amerikan bularaq izolatsiädä xis ittem. Ul waqıtlar bügengedän nıq ayırıla dide. Bıyılğı qorıltayda Fälästin däwlätçelege berençe märtäbä Demokratlar platformınıñ öleşe bulıp tora.Ğäräb amerikannar 43 wäkil belän qorıltayğa qatnaşa.Bush belän Kerryneñ fiker beleşülärdä bik yaqın torğan küp kenä ştatlarda bu törkemgä täsirle saylawçılar dip qarala.Maya Berry,Michigan ştatınnan wäkil bulıp kilgän qorıltayğa . Ul ğäräb amerikannarnıñ tawışın alu öçen partiä alarnıñ küpläp yäşägän Michigan, Pennsylvania, Ohia häm Florida da nıq eşlärgä tieş di. Azatlıq Radiosınıñ Bostonda ängämä ütkärgän möselman amerikannar da näk şul fikerdä..Alarnıñ küpçelege Bushnıñ 11.Sintäberdän soñ Amerikadağı möselmannarğa kürsätkän möğämäläse säbäple annan çitläşkän. Alar şulayuq administratsiäneñ Ğıraqta başlatqan suğış, berektäşlä belän mönäsäbätläreneñ bozıluı, yaqın könçığıştağı xällärgä borçılu beldergän. Demokratlar Partiäse platformı AQŞnıñ patriot aktı dip isemländerelgän bäxäsle anti terror qanunına üzgäreşlär kertelüen taläp itä.Platformda şulayuq Bush administratsiäse citärlek xalıqara yaqlau almıy suğışqa aşıqtı, administratsiä Al Qaida häm Ğıraq prezidentı Saddam arasındağı bäyläneşne , şulayuq anıñ küpläp üterü qorallarına iä buluın küpertte dielgän. Qorıltayğa qatnaşqan möselman delegatlar moñı nıq yaqlasa da, alar partiäneñ İsrael-Fälästin konfliktına qarata alğan pozitsiäse belän qänäğät tügel.Qorıltay platformın da Fälästin däwlätçelege yaqlana ämma anda A.Sharonnıñ säyäsäte dä yaqlana. Tanılğan ğäräb-amerikan fiker beleşüçe John Zogby äytüenä qarağanda Demokratlar Partiäse İzrael-Fälästin konfliktında nigezdä Respublikannarnıñ säyäsäten qabatlıy. Kerry yaqın könçığışta tınıçlıq säyäsäte turında kübräk kampaniä alıp barsa,ğäräblärneñ yaqlawın kübräk alaçaq Zogby Demokratlar bıyıl ğäräblärneñ Bushnı yaqlawın kimetä ala.2000nçe yıldağı saylawlarda alar al Gore-ğa qarşı Bushnı yaqlağan ide dip söyli.(audio) Här törkem möhim.Ğäräb-amerikannar bigräk tä demokratlar öçen möhim.ütkän märtäbä alarnıñ 45%tı Bushnı yaqlap tawış birde. Bu märtäbä ägär dä Kerry ğäräb amerikannarnıñ atwışın alalsa, bu qayber möhim ştatlarda citärlek bulır ide dip äytte Zogby. Ğäräb –Amerikan İnstitutınıñ Michigan, Ohio,Pennsylvania häm Florida da bu ay başlarında ütkärgän fiker beleşü möselmannarnıñ 24%nıñ ğına Bushqa tawış biräcägen kürsätte. Fiker beleşü ğäräblärneñ 51%nıñ Kerrynı , 13%isä çığışı belän Livannan bulğan Ralph Nadernı yaqlawın kürsätte.Äytep kitkän şähärlärdä yartı million ğäräb amerikan tawış biräçäk dip kötelä. Ğäräblär Amerikadağı möselmannarnıñ öçtän ber öleşen täşkil itä.Amerikan-İslam Mönäsäbätläre Şurası AQŞta yaqınça 7 million möselman yäşi dip faraz itä. Farazlar törle , çönki can isäben alğanda dini inanular soralmıy.Şuranıñ 4 yıl elek ütkärgän fiker beleşü möselmannarnıñ zur öleşeneñ Bushqa tawış birüen kürsätte. Bushnıñ konservativ ğailä qıymätlären yaqlawçı bularaq kürenüe , möselmannarnı cälep itkän säbäp bulğan.Şuranıñ süzçese İbrahim Hooper radiobızğa (audio) Demokratlar möselmannarğa töp saylawçı blogı dip qarıymı belmim , alar belkim dä möselmannarğa ireşergä tırışunı da kiräksez dip sanıy dide

färidä xämit,praga
XS
SM
MD
LG