Accessibility links

Кайнар хәбәр

Başqortstannıñ Yıqäterinburgtağı wäkilçelegenä ber yıl tuldı


Yekaterinburg şähärendä Başqortstannıñ daimi wäkilçelege açıluğa tögäl ber yıl tuldı. Älege wäkilçelekne uzğan yılnıñ iyül axırında Swerdlovsk ölkäsenä Başqortstan prezidentı Räximov citäkçelegendäge wäkillek eş säfärenä barğaç, tantanalı açqannar ide. Näq şul säfär barışında Başqortstan belän Swerdlovski ölkäse arasında säwdä – iqtisadıy, fänni – texnik häm başqa ölkälärdä xezmättäşlek turında Kileşüneñ dä yañartılğan şäkele imzalandı. Andıy Kileşü täwge tapqır 1996 yılnıñ ğinwarında tözelgän ide. Başqortstan belän Swerdlovski ölkäsen elek – elektän duslıq häm yaqın kürşelek mönäsäbätläre bäyli. Swerdlovski ölkäsendä äwwäldän ük distälärçä meñ tatar belän başqortnıñ yäşäwen isäpkä alsañ, ike kürşe töbäkneñ xäzer tağın da nığraq yaqınayırğa häm tığız xezmättäşlek itärgä säbäpläre nıqlı buluı añlaşılıp tora. Çınlap ta üzara bäyläneşlär soñğı waqıtta sizelerlek kiñäyä. Misal öçen, uzğan ber yıl eçendä genä dä üzara säwdä äyläneşe 2, 7 tapqırğa üskän. Moñardan tış fänni – texnik ölkädä, mädäniät häm mäğärif ölkälärendä dä faydalı xezmättäşlek şaqtıy artqan. Başqortstannıñ Yekaterinburg şähärendäge daimi wäkilçelegenä citäkçe itep Näfisä Tyümensewa täğayınlängän ide. Añarçı ul ölkä başqortları qorıltayı başlığı wazıyfaların başqarıp kilde. Näfisä xanım Başqortstannıñ Yıqäterinburg şähärendäge daimi wäkilçelegeneñ ber yıllıq eşçänlege xaqında bezgä tübändäge mäğlümatlarnı birde. Sez Başqortstannıñ Yekaterinburg şähärendäge daimi wäkilçelege citäkçese Näfisä Tyümensewanı tıñladığız. Näfisä xanım süzlärençä, Başqortstan belän Swerdlovski ölkäse arasındağı bäyläneşlär aldağı yıllarda tağın da kiñräk qolaç alaçaq. İqtisadıy xezmättäşlekne üsterü belän berrättän, ölkädäge millättäşlärebezneñ milli – mädäni mänfägätlären tulıraq qänägätländerü yünäleşendä dä zur eşlär bilgelänä. Alarnıñ qayberläre bıyıl uq tormışqa aşırılaçaq.

Fänis Fätxi, Ufa
XS
SM
MD
LG