Accessibility links

Кайнар хәбәр

Üzbäkstan:prezident Karimov üzbäklärne radikal islamnı kire qağırğa çaqırdı


Comğada Taşkentta AQŞ, İzrael ilçelekläre häm prokuror binasına yasalğan intixar höcümennän soñ prezident İslam Karimov Qırımdağı yalın özep öyenä qayttı häm şimbä kiç televidiniädä çığış yasadı. İlbaşı üzbäklärne islam ekstremizmın kire qağarğa ,ilne şartlaulardan saqlarğa çaqırdı. Karimov 3 saqçınıñ ülemenä säbäp bulğan şartlau öçen cawaplılıqnı Üzbäkstan İslam Xäräkätenä quyğan xalıqara mätbuğatnı da ğäyepläp çıqtı.

İlbaşı İslam Karimov televidiniädä yasağan çığışında şartlawlarnı Hizb ut-Tahrinıñ oyıştırğan buluı ixtimalenä tuqtaldı. Londonda urnaşqan bu islamçı törkem Üzäk Aziedä islam däwläte buldırırğa teli. Karimov kiñ küläm mätbuğat çaraları başqa ber törkem Üzbäkstan İslam Xäräkäten telgä alıp iqtibarnı Hizb ut-Tahrirdän çitläşterä dide. Üzbäkstän İslam Xäräkäte 1999nçe yılda bulıp alğan şartlawlar öçen ğäyeplände .Karimov süzlärençä(audio) Bu cinayätlärdän soñ şunduq massa küläm mäğlümät çaraları Üzbäkstan İslam Xäräkäte cinayätlär öçen cawaplılıqnı üz östenä aldı digän mäğlümät tarata başladı .Monnan Hizb ut-Tahrirnıñ bäyläneşe yuq digän näticä çığa.Qayber törkemnär bu xabärne massa küläm informatsiä çaralarında cäyelderergä tırışa, Üzbäkstan eşke eşlär minsitırı Zokircan Almatov xakimiätlär comğa könne şartalularğa qatnaşqan dip şiklänelgän ber törkem keşene qulğa aldı dip äytsä dä , ul detalle mäğlümät birmäde. Törle islamçı törkemnär internettä cawaplıqnı üz öslärenä aldı. Şartlaular mart ayında yaqınça 50keşeneñ ülemenä säbäp bulğan insidentqa qatnaşuda şiklänelgän 15keşe östennän mäxkämä protsesı başlanıp 4 kön ütkännän soñ buldı. Üzbäkstan AQŞnıñ terrorğa qarşı alıp barğan suğışta Üzäk Aziädäge töp berektäşe. Hizb ut-Tahrirnıñ Londondağı süzçese törkemneñ comğadağı höcümnärgä qatnaşqan buluın kire qaqtı.İslam Karimov süzçeneñ kire qağuına ber dä ähämiät birmäsä dä, ul Hızb ut Tahrirnıñ qatnaşuın närsägä dälilläün äytmäde . Üzbäklärne radikal islamnı kire qağırğa çaqırğan prezident Hızb ut Tahrir qurqınıçlı, ul Pakstan, Äfganstan häm Üzäk Aziäneñ 5 respublikasında islam däwläte oyıştıru ideları belän yäşlärneñ añın agulıy dip söyläde. Karimov(audio) Üzlären keşe xoquqları oyışmaları dip atağan berläşmä, oyışma,täşkilatlar Hızb ut-Tahrirnı zararsız, gönaxsız bärän dip taswirlarğa tırışa.Çınbarlıqta bu törkem küplärne aldıy häm yaña äğzalar cälep itä.Min alarnıñ yaman niätläre yaña şartlaular oyıştıru belän kürenäçäk ,ämma qızğanıç ki ul çaqta soñ bulaçaq dip belderde. Kärimovnıñ çığışına qarata Hızb ut-Tahrirnıñ Londondağı wäkile İmran Waheed radiobıznıñ üzbäk redaksiäsenä bolay dip äytte(audio) Karimov rejimı zäğif rejim. Hızb ut- tahrirnıñ Üzbäkstan häm Üzäk Aziädä popularlığı arta bara. şunlıqtan Karimov hızb ut- tahrirnıñ imicen pıçratırğa tırışa. Waheed tağı Üzäk Aziä xalıqaları Hizb ut-Tahrirnıñ köç qullanu, qorallı suğışqa qatnaşmıyçağın belä, ul İslam ziyalıları, säyätçelärennän tora häm xälifälekne torğızırğa teli dip söyläde. Britaniäneñ Üzbäkstanğı eleke ilçese Paul Bergne ,üzbäk redaksiäsenä(audio) Älegä min Hızb ut- tahrirneñ säyäsäten üzgätkäneñ kürsätkän nıqlı dälil kürmädem, berençe qaraşqa Hızb ut tahrir bomba şartlatularınıñ artında tormıy dide

färidä xämit,praga
XS
SM
MD
LG