Amerikan xökümäteneñ Washington häm New Yorktağı qayber finans üzäklär tiräsendä iminlek çaraların köçäytü qararı şuşı atnanıñ iñ töp waqiğälärennän berse ide, xörmätle tıñlawçılar. Bar mäğlümat çaraları, baştan ayaq qorallanğan politsiä xezmätkärläre, saq astına alınğan binalarğa kerüçelärne centekläp tikşerü sürätläre belän tuldı. Läkin soñraq bar şuşı çaralarnıñ da iske, asılda berniçä yıl elek äzerlängän plannı qulğa töşerü arqasında kertelüe açıqlandı. Bar yañalıq şunda - amerikan iminlek xezmätläre qulına ul şuşı könnärdä, Pakstanda "äl-Qaidä"gä bäyle buluda şiklänelgän köçlärgä qarşı ğäskäri çaralar ütkärü näticäsendä kilep kergän. Şuña kürä dä qayber küzätüçelär, bar dönyanı şawlatıp iminlekne köçäytü urınlı ideme soñ digän soraw quya, häm monıñ artında prezident Bushnıñ közge saylawlarğa äzerlänüe yatmıy mikän dip şiklänä. Dublindä eşläwçe iminlek belgeçe Shaun Boyne mäs''älägä tiränräk qararğa täqdim itä. Anıñ fikerençä,
Audio, Shaun Boyne
"11-nçe sintäbr höcümnäre Amerikanı şul xätle teträtte ki, xäzer inde yaña qurqınıçqa işarä itkän keçkenä genä işarä uñayınnan da ğädättän tış çaralar kürelä." Läkin alda saylawlar torğanda, häm bigräk tä Washingtondağı säyäsi tormışnıñ bügenge köndä bik äwzemläşep, canlanıp kitüe sürätendä, şuşı mäs''äläneñ zur säyäsi problemağa äylänüen farazlap bula. Oppozitsiädäge demokratlar, Bush xakimiate iminlekne nığıtu mäs''äläsen bilgele maqsat belän, säyäsi köndäşe John Kerryne yaqlaw köçäygännän soñ kütärep çığarğa buldı dip isäpli. Mäğlümat çaralarınıñ iğtibarı çınnan da, äle genä tämamlanğan demokratlar cıyınınnan "äl-Qaidä" yanawlarına küçte. İnde fikere kiterelgän Shaun Boyne, Quşma Ştatlar xakimiate bu oçraqta kübräk, qulına töşkän mäğlümatqa, andağı yanawlarğa tieşle mönäsäbät kürsätmäwdä ğäyeplänüdän qurıqtı dip isäpli. 11-nçe sintäbr höcümnäre uñayınnan xökümät näq menä şuñarda, qurqınıç turındağı xäbärlärgä tieşle iğtibar birmäwdä ğäyeplängän ide.
Audio, Shaun Boyle
"Minem fiker şul, xakimiat yaña qurqınıç turındağı mäğlümatnı şunda uq kiñ cämäğätçelekkä citkermäwdä ğäyeplänüdän şürläde. Alar elek küzläw mäğlümatı belän citez eş itmäwe, yäşerüe öçen tänqitlängän ide häm xäzer yaña yanawlar turında mömkin qädär açıq bulu säyäsäten aldı kebek" di Boyne. Anıñ fikerençä, mäğlümatnıñ iske buluı äle, yanaw inde aktual'' tügel digänne añlatmıy.
Audio, Shaun Boyne
Näq şunı uq Quşma Ştatlarnıñ eşke iminlek ministrı Tom Ridge da belderä, yanaw ixtimalı turındağı mäğlümatnıñ iske buluı möhim tügel, alarnıñ xaq buluı äle ğinwar ayında ğına raslandı di ul.
Audio, Tom Ridge
"Äl-Qaidä" üz plannarın yış qına bik centekläp, aldan uq äzerli. Şuña kürä min kemneñ dä bulsa, mäğlümatnıñ citdilegen añlap betermäwen kürergä telämäs idem" di Quşma Ştatlarnıñ eçke iminlek ministrı häm terrorçılarğa möräcäğät itep, alarnı, "bez sezneñ ni eşlärgä teläwegezne beläbez, läkin bez moña berqayçan da yul quymayaçaqbız" di.
Audio, Tom Ridge
Kärim Kamal
Audio, Shaun Boyne
"11-nçe sintäbr höcümnäre Amerikanı şul xätle teträtte ki, xäzer inde yaña qurqınıçqa işarä itkän keçkenä genä işarä uñayınnan da ğädättän tış çaralar kürelä." Läkin alda saylawlar torğanda, häm bigräk tä Washingtondağı säyäsi tormışnıñ bügenge köndä bik äwzemläşep, canlanıp kitüe sürätendä, şuşı mäs''äläneñ zur säyäsi problemağa äylänüen farazlap bula. Oppozitsiädäge demokratlar, Bush xakimiate iminlekne nığıtu mäs''äläsen bilgele maqsat belän, säyäsi köndäşe John Kerryne yaqlaw köçäygännän soñ kütärep çığarğa buldı dip isäpli. Mäğlümat çaralarınıñ iğtibarı çınnan da, äle genä tämamlanğan demokratlar cıyınınnan "äl-Qaidä" yanawlarına küçte. İnde fikere kiterelgän Shaun Boyne, Quşma Ştatlar xakimiate bu oçraqta kübräk, qulına töşkän mäğlümatqa, andağı yanawlarğa tieşle mönäsäbät kürsätmäwdä ğäyeplänüdän qurıqtı dip isäpli. 11-nçe sintäbr höcümnäre uñayınnan xökümät näq menä şuñarda, qurqınıç turındağı xäbärlärgä tieşle iğtibar birmäwdä ğäyeplängän ide.
Audio, Shaun Boyle
"Minem fiker şul, xakimiat yaña qurqınıç turındağı mäğlümatnı şunda uq kiñ cämäğätçelekkä citkermäwdä ğäyeplänüdän şürläde. Alar elek küzläw mäğlümatı belän citez eş itmäwe, yäşerüe öçen tänqitlängän ide häm xäzer yaña yanawlar turında mömkin qädär açıq bulu säyäsäten aldı kebek" di Boyne. Anıñ fikerençä, mäğlümatnıñ iske buluı äle, yanaw inde aktual'' tügel digänne añlatmıy.
Audio, Shaun Boyne
Näq şunı uq Quşma Ştatlarnıñ eşke iminlek ministrı Tom Ridge da belderä, yanaw ixtimalı turındağı mäğlümatnıñ iske buluı möhim tügel, alarnıñ xaq buluı äle ğinwar ayında ğına raslandı di ul.
Audio, Tom Ridge
"Äl-Qaidä" üz plannarın yış qına bik centekläp, aldan uq äzerli. Şuña kürä min kemneñ dä bulsa, mäğlümatnıñ citdilegen añlap betermäwen kürergä telämäs idem" di Quşma Ştatlarnıñ eçke iminlek ministrı häm terrorçılarğa möräcäğät itep, alarnı, "bez sezneñ ni eşlärgä teläwegezne beläbez, läkin bez moña berqayçan da yul quymayaçaqbız" di.
Audio, Tom Ridge
Kärim Kamal