August ayı tuu belän här cirdä yaña uqu yılına äzerlek xästärlekläre sizelerlek arta. Bu atnada Ufada häm başqa şähärlärdä mäktäp bazarları eşli başladı. Alarda yaña uqu yılında uquçı balalarğa kiräkle här närsäne tabarğa mömkin. Küp kenä ata-analar buğennän ük inde balaları öçen kiräkle äyberlärne alıp qalırğa tırışa. Çönki bu mäşäkätlärne augustnıñ soñğı unkönlegenä qaldırsañ, bazarlarğa da, kibetlärgä dä baş tıqmalı bulmıy.
Ata-analar kibet yulın taptasa, respublika möğallimnäre häm yuğarı türäläre yıl da ütkärelüçe august kiñäşmäsenä äzerlänä. Bıyıl bu kiñäşmä Arxangel belän Ğafurıy rayonnarında ütäçäk. Rayonnarda häm şähärlädä mäktäplärne yaña uqu yılına äzerläw buyınça da eşlärneñ iñ qızğan çağı. Alarda tözekländerü, maturlaw eşläre däwam itä.
Tatar mäktäpläre häm gimnaziäläre dä şul uq mäşäkätlär belän mäşğül. Elegräk tä xäbär itelüençä, Ufadağı 65 nçe sanlı tatar gimnaziäsendä bıltır köz aylarında ike yaña bina – yanqorma tözü eşläre başlanğan ide. Respublik prezidentın saylaw aldınnan, Xakimiätlär andağı eşlärneñ bıyılğı uqu yılına uq tämamlanaçağın wäğdä itte ul çaqta. Ämma älege wäğdä ütälmäyäçäk ikän. Bu xaqta gimnaziä direktorı Räşidä Xaritonowa 5 augustta Başqortstan televideniesenä birgän äñgämäsendä äytte. Tözeleşneñ aqrın baruına älege dä bayağı aqça häm tözeleş materialları citmäw säbäpçe ikän. Qayberäwlär mondıy xälne aldan uq farazlağan ide. Tatar gimnaziäse bulğaç, biregä iğtibar da şulqädär genä bulaçaq dip belderde pessimistlar. Ufadağı tatar gimnaziäse tözeleşe belän dä başqaladağı «Nur» tatar teatrı belän bulğan xäl qabatlanmasa yarar ide dä. Çönki «Nur» teatrı binasın da tantanalı aça – aça un yıl tözilär inde.
Fänis Fätxi, Ufa
Ata-analar kibet yulın taptasa, respublika möğallimnäre häm yuğarı türäläre yıl da ütkärelüçe august kiñäşmäsenä äzerlänä. Bıyıl bu kiñäşmä Arxangel belän Ğafurıy rayonnarında ütäçäk. Rayonnarda häm şähärlädä mäktäplärne yaña uqu yılına äzerläw buyınça da eşlärneñ iñ qızğan çağı. Alarda tözekländerü, maturlaw eşläre däwam itä.
Tatar mäktäpläre häm gimnaziäläre dä şul uq mäşäkätlär belän mäşğül. Elegräk tä xäbär itelüençä, Ufadağı 65 nçe sanlı tatar gimnaziäsendä bıltır köz aylarında ike yaña bina – yanqorma tözü eşläre başlanğan ide. Respublik prezidentın saylaw aldınnan, Xakimiätlär andağı eşlärneñ bıyılğı uqu yılına uq tämamlanaçağın wäğdä itte ul çaqta. Ämma älege wäğdä ütälmäyäçäk ikän. Bu xaqta gimnaziä direktorı Räşidä Xaritonowa 5 augustta Başqortstan televideniesenä birgän äñgämäsendä äytte. Tözeleşneñ aqrın baruına älege dä bayağı aqça häm tözeleş materialları citmäw säbäpçe ikän. Qayberäwlär mondıy xälne aldan uq farazlağan ide. Tatar gimnaziäse bulğaç, biregä iğtibar da şulqädär genä bulaçaq dip belderde pessimistlar. Ufadağı tatar gimnaziäse tözeleşe belän dä başqaladağı «Nur» tatar teatrı belän bulğan xäl qabatlanmasa yarar ide dä. Çönki «Nur» teatrı binasın da tantanalı aça – aça un yıl tözilär inde.
Fänis Fätxi, Ufa
