Bügen Ğruziä räsmiläre Könyaq Osetiä citäkçelären bu töbäkne gruzinnardan çistartu niätendä ğäyepläp çıqtı. Gruziä parlamentınıñ Saqlanu häm iminlek komitetı räise Givi Targamadze süzlärençä, alarda bulğan mäglümätlärgä qarağanda, räsmi Tsxinvali Könyaq Osetiä citäkçese Eduard Kokoytığa yalğan xöcüm oyıştırıp, häm şunı säbäp itep, täbäktäge gruzin awıllarına xöcüm itä başlarğa cıyına. Targamadze monıñ işe niätlärgä Gruziä qırıs cawap qaytaraçaq, dip kisätte. Soñğı atnalarda Gruziä-Könyaq Osetiä mönäsäbätläre qıza bara. Tbilisi 90nçı yıllar başında üzbilgelängän Könyaq Osetiä belän Abxaziäne üz qaramağına qaytarırğa tırışa. Gruziä Saqlanu ministrı Giorgi Baramidze bügen söyläşülär ütkärü öçen Mäskäwgä kilde.
