Quşma Ştatlarnıñ Florída ştatına yabırılğan dawılda kim digändä 3 keşe hälaq buldı. Xakímítlar mäğlümätençä hälaq buluçılarnıñ sanı artırğa mömkin. Säğätenä 230 çaqrımğa citkän cil qorılmalarnı häm älektr ütkärgeçlärne cimerde. Qazanıñ üzäge bulğan Punta Ğorda şähärendä meñlägän keşe yort cirsez qaldı. Dawıl kitergän zían 15 milliard dollar. Florída ğubernatorı Djeb Buş, ul Quşma Ştatlarnıñ xäzerge prezidentınıñ ir tuğanı, bolay dip äytte: “Berençel mäğlümätlärçä bezneñ ştatqa yabırılğan dawıl köçle cimerü köçenä iä. Bezneñ barıbızğa da bu xälgä bik bik citdi qararğa kiräk”.
