Ğiraqtağı suğışçılar törkeme uzğan atnadan birle İrannıñ 500 ğiraq totqınnan törmädän çığaruın taläp itep ber İran diplomatın totıq itep aldı. Süz - 1988nçe yılda tämamlanğan İran - Ğiraq suğışı äsirläre häm 1991nçe yılğı Farsı qultığı suğışı totqınnarı turında bara. Ğiraq suğışçıları İranğa äsirlärne irekkä çığaru öçen 48 säğat waqıt birgän ide. Ägär İran bu taläpne ütäsä – suğışçılar İran diplomatın da azat iteläçäk, dip belderä.
Ämma İrannıñ İSNA mäğlümat agentlığı, ilneñ suğış äsirläre komissiäse başlığı general Abdollah Najafi süzlären kiterep, İranda – Ğiraq suğış äsirläre yuq, dip xäbär itte.
