NATO citäklägän qısqartılıp İSAF dip yöretelgän köçlär şulayuq AQŞ citäkçelegendäge OEF köçläreneñ räsmiläre 9nçe üktäberdä ütäçäk prezident saylawları irekle häm ğädel bulırğa tieş dip belderep kilä. Ämma şulay da här ike törkem tawış birüdä iminlekne Äfganstan armiäse häm politsiäse tämin itergä tieş digän noqtada tora. Näticädä Yevropa Berlege häm Yevropada İminlek wä Xezmättäşlek Oyışması saylawlarnı qarap baru öçen zur küzätüçe törkemnäre cibärmäskä buldı.Alarnıñ hör ikese dä zur şähärlärgä genä keçkenä törkemnär cibärä.Regionnarda suğışçan törkemnär, ğıysyançılar säbäple xezmätkärlärneñ iminlege qurqınıç astında qalaçaq digän kiñ cäyelgän qurqu bar.Äfganstanda kübese amerikan soldatlarınnan torğan 18meñ keşelek OEF törkeme belän citäklägän general mayor Eric Olson bolay di(audio)
koalitsiä 5meñ tawış birü urınında iminlekne tämin itmiäçäk.Ämma koalitsiä 5meñ punkta iminlekne tämin itkän Äfgan armiäse häm äfgan politsiäse belän eşliäçäk.Urnalar urınında iminlekne tämin itü başlıça Äfgan politsiäseneñ cawaplılığı bulaçaq.Bu turıda Äfgan xökümäte belän koalitsiä arasında kileşelde. Tawış birü urınnarı tiräsendä iminlekne tämin itü Äfgan armiäseneñ eşe bulaçaq, koalitsion köçlär zurıraq töbäklärdä tawış birü punktları tiräsendä kiñräk zonanı qarıyaçaq.
Olson bälkim dä OEF häm Äfgan köçläre büllätännär salınğan urna, tartmalarnı üzäkkä tapşıru eşendä xezmättäşlek itär dip äytkän ide.
İlneñ könbatış ,şulayuq İSAFnıñ küpläp torğan häm iminlekne tämin itkän Qabulda räsmilär büllätännärne transportlauda da xezmätäşlekne kire qağa. Ütkän atnada İSAFnıñ başwartirası urnaşqan Qabulda fransuz ofitserı Marc Rudkiewicz NATO tartmalarnı transport eşenä qatnaşmayaçaq, Berektäşlek opozitsiäneñ zur tärtipsezleklär buldırmauı öçen qurqutuçı köç kenä bulıp toraçaq, BMOsı saylawçılarnı terkäw eşen alıp bardı , tawış birü urınnarında iminlekne tämin itü 13meñ keşedän torğan Äfgan armiäseneñ eşe bulaçaq dip söyläde . İSAFnıñ yaña citäkçese general Jean Louis Py . Ul Yevropa berlegeneñ Yevrokorps dip atalğan yaña törkemen wäkilçelek itä.Yevrokorps Fransiä häm Germaniä ğäskärilärennän tora. General Py radiobızğa birgän ängämädä İSAF saylawlarnıñ irekle häm ğädel ütüen garantiäli almıy dip iqrar itte. General süzlärençä, xalıqara cämäğätçelekneñ töp borçıluı saylawlarnıñ ışanıçlılığı, saylawlar mömkin bulğan qädär ğädel ütergä tieş.Ul Könçığış Yevropada başta saylawlarnı oyıştırğanda kimçeleklär buldı, ämma bu soñraq totrıqlı demokratiälärneñ barlıqqa kilüenä qomaçaulamadı dip östäp quyğan. NATO citäklägän İSAF şulayuq AQŞ citäkçelegendäge OEF köçläre saylawlarğa kirtä bulaçaq kiñ küläm tärtipsezleklär bulır dip borçıla.Amerikan general mayorı Olson (audio)
minemçä doşman älege waqıtta terkälüne tuqta almağan dip uylıy häm şunlıqtan xäzer tawış birüne qomaçaulau öçen tağı da aktivraq bulaçaq dip kötergä häm şunlıqtan bez yaxşıraq äzerlänergä tieş dip belderde Olson.
Räsmilär üzaralarında saylawlarda xärämläşü mömkinçelekläre küp dip söyli. Berdän artıq tawış birü şulayuq pakstan häm İranlılarnıñ tawış birügä qatnaşuları . Ayruça qanunğa kürä, saylaw aldı kampaniäse waqıtında namzätlärneñ berse üterelsä, saylawlarnı kiçekterü yä dä ütkärmäü mömkinçelege bar.
färidä xämit,praga
färidä xämit,praga