Çärşämbedä Nacafnıñ borınğı öleşendä qoral tawışları,şartlawlar işetelä , şığı ğıysyançıları belän ğıraq, amerikan xärbiläre arasında bäreleşlär däwam itä.Sişämbedä Muqtada al Sadr Bagdadtan kilgän tınıçılq missiäse belän iminlek säbäplärennän çığıp oçraşunı kire qaqqan, ul yardämçelären genä cibägän. Çärşämbedä tınıçlıq wäkilçelegeneñ äğzası Fäwzi Hamza bolay dide (audio)
izge şähär Nacafta tınıçılq wä totrıqlılıq xökem sörsä,bez yañadan Muqtada al-Sadr belän küreşergä äzer häm inisiatiava uñışlı bulır dip ışanam , Nacaf tiräsendäde qamau beterelsä , inisiativa näticäle bulır ide .
Şulay qayberäwlär yañadan söyläşergä , Nacaftağı başkütärüne tınıç yullar belän xäl qılırğa teläsä dä, Ğıraqınıñ saqlanu ministırı Hazim al Şaalan söyläşep torırğa cıyınmıy şikelle. Bügen ul Nacafta Reuterga (audio) Bez inşalla xärbi äzerleklärebezne tamamlarğa torabız. Muqtada al-Sadrğa turılıqlı suğışçılar berniçä säğät eçendä birelmäsä alarğa ber qayçan da onıtmayaçaqları sabaq bireleçäk xälitkeç suğış bulaçaq dip yanadı.
Ministır ayruça Muqtada al Sadr premyer aldına çığarğa tieş, anıñ yazmışın ul bilgeliäçäk dip äytkän. Sadr süzçese al Şibani suğışçılar sonğı tamçı qanğa qädär suğışaçaq digän cawap qaytarğan.Sadr suğışçları ğıybadätxanägä sıyınğan, amerikan tankları 500meter yıraqta ğına dip belderelä. Ğıraq politsiäse çit il jurnalistlarına şähärdän çığıp kitüne kiñäş itkän.Premyer Allawi xökümät izge şähärdä tizlektä totrıqlılq urnaştırırğa teli dip belderde.
AQŞ saqlanu minsitırı Donald Rumsfeld elegeräk AQŞ xärbiläre İmam Ali ğıybadätxanäse höcümenä qatnaşmayaçaq dip äytkän ide. Rumsfeld(audio)
Amerika köçläre izge urınnarğa kermiäçäk.Bu bezneñ eşebez tügel .Min din öçen zur ähämiätkä iä bu tör urınnarda eşne Ğıraq xärbiläre başqarır dip uylım dide.
Bıyıl başlarında al-Sadr 2ay buyı okupatsion köçlärgä qarşı suğışqannan soñ atışlarnı tuqtatırğa riza bulğan ide.August başlarında bäreleşlär yañadan başlandı. Nacafta barğan qorallı bäreleşlär Bagdatta ilneñ waqıtlı mäclesen qoru, ilneñ säyäsi kiläçäge öçen barğan cıyınğa külägä töşerä älbättä. Cıyın inde sişämbedä tämamlanırğa häm 100keşelek şura äzğaları iğlan itelergä tieş ide . Ämma cıyınğa kilgän 1300 wäkilneñ üz aralarında Nacaftağı wazğiät şulayuq saylanaçaq şura turında kileşep citmäwläre säbäple ul ozaytıldı.Cıyın 81 namzätne saylap alırğa tieş, qalğan 19 urınnı taratılğan waqıtlı idarä şurası äğzaları alaçaq.Saylanğan şura yäki waqıtlı parlament ğıynuar ayına saylawlarğa qädär , öçtän ike küpçelek belän qanunnarğa veto sala alaçaq, 2005nçe yılğı budjetnı raslıyaçaq , prezident yäki premyer ministır üterelsä, yä isä urınınnan kitsä yañasın bilgeli alaçaq.Bugen Bagdadta BMOnıñ wäkile Jamal Benomer(audio)
Bez konferensiägä här kemne şulsanda al Sadrnı da däğwät ittek häm anıñ wäkilläre belän söyläştek . Prosesqa qatnaşu Ğıraqta demokratiäne nığıtu öçen in yaxşı yul bulıp tora dip äytte.
Benomer ayruça Nacaftağı xällär turında qapma qarşılıqlı xabärlär kilä. BMO sekretarı äytkäneçä bez anda mäsälä tınıç yullar belän häm barlıq ğıraqlılarnıñ mänfäğätenä kileşle räweştä xäl qılınır dip ömed itäbez dide
färidä xämit,praga
färidä xämit,praga