Bu atna başınnan birle Başqortstanda eş säfärendä bulğan Törkiä qunağı – Bötendönya törki xatın – qızları assotsiatsiäse räise, Änqaranıñ Ğäzi uniwersitetı professorı Şenol Bal xanım comğa könne Ufada üz säfäre yomğaqları buyınça jurnalistlar öçen matbuğat oçraşuı oyıştırdı.
Mäğlüm buluınça, 2005 yılda Qazaqstanda törki xatın – qızlarınıñ III Bötendönya qorıltayı ütäçäk. Şenol Bal xanım, şul forumğa äzerlänü qısalarında, törki illärdä häm respubliklarda säfärdä yöri. Ufağa Başqortstan Fännär aqädemiäse häm Başqortstan respublikınıñ Başqort xatın – qızları cämğıyate çaqıruı buyınça kilgän Şenol Bal xanım qorıltaydağı çığışı öçen Başqortstandağı xatın – qızlar tormışı turında kiräkle hämmä qızıqlı mäğlümatlarnı cıyuın äytte. Törkiä qunağı respubliktağı başqort häm tatar xatın – qızları cämägät oyışmaları citäkçeläre belän, şulay uq Başqortstannıñ küp kenä räsmi şäxesläre belän dä oçraşıp söyläşülär ütkärüye xaqında äytte. Anıñ süzlärençä, ul oçraşular Başqortstannı yaqınraq belergä yärdäm itkän. Başqortstan Fännär aqädemiäsendä, Mädäniät häm milli säyäsät ministrlığında, Başqort xatın – qızları cämğıyatendä häm başqa urınnarda bulğanda Şenol Bal xanım törki dönya xatın – qızlarınıñ bügenge problemnarı häm kiläçäkkä burıçları xaqında söylägänlegen äytte. Xäzerge globälläşü şartlarında cämğiätne dä, ayırım keşelärne dä barı tik tatu ğäilä genä qotqarıp qala. Şuşı fikeren bu oçraşuda qat – qat yañğıratıp, Şenol Bal xanım yäşlärneñ kiläçäkkä tormış qıyblasın bilgeläde. «Xatın – qız, ayıruça törki xatın – qızları elektän ük kilgän matur ğädätlärebezne küz qarasıday saqlarğa tieş», – dip äytte Şenol Bal xanım. 21 august könne Şenol Bal xanım Ufadan Qazanğa kitä. Tatarstanda da ul ber atnağa yaqın bulaçaq.
Mäğlüm buluınça, 2005 yılda Qazaqstanda törki xatın – qızlarınıñ III Bötendönya qorıltayı ütäçäk. Şenol Bal xanım, şul forumğa äzerlänü qısalarında, törki illärdä häm respubliklarda säfärdä yöri. Ufağa Başqortstan Fännär aqädemiäse häm Başqortstan respublikınıñ Başqort xatın – qızları cämğıyate çaqıruı buyınça kilgän Şenol Bal xanım qorıltaydağı çığışı öçen Başqortstandağı xatın – qızlar tormışı turında kiräkle hämmä qızıqlı mäğlümatlarnı cıyuın äytte. Törkiä qunağı respubliktağı başqort häm tatar xatın – qızları cämägät oyışmaları citäkçeläre belän, şulay uq Başqortstannıñ küp kenä räsmi şäxesläre belän dä oçraşıp söyläşülär ütkärüye xaqında äytte. Anıñ süzlärençä, ul oçraşular Başqortstannı yaqınraq belergä yärdäm itkän. Başqortstan Fännär aqädemiäsendä, Mädäniät häm milli säyäsät ministrlığında, Başqort xatın – qızları cämğıyatendä häm başqa urınnarda bulğanda Şenol Bal xanım törki dönya xatın – qızlarınıñ bügenge problemnarı häm kiläçäkkä burıçları xaqında söylägänlegen äytte. Xäzerge globälläşü şartlarında cämğiätne dä, ayırım keşelärne dä barı tik tatu ğäilä genä qotqarıp qala. Şuşı fikeren bu oçraşuda qat – qat yañğıratıp, Şenol Bal xanım yäşlärneñ kiläçäkkä tormış qıyblasın bilgeläde. «Xatın – qız, ayıruça törki xatın – qızları elektän ük kilgän matur ğädätlärebezne küz qarasıday saqlarğa tieş», – dip äytte Şenol Bal xanım. 21 august könne Şenol Bal xanım Ufadan Qazanğa kitä. Tatarstanda da ul ber atnağa yaqın bulaçaq.
