Accessibility links

Кайнар хәбәр

Putin Gruziä belän Könyaq Osetiäne nizağnı söyläşülär aşa çişärgä öndäde


Bügen Rusiä prezidentı Vladimir Putin Gruziä belän Könyaq Osetiäne köç qullanularnı tuqtatırğa häm nizağnı söyläşülär aşa çişärgä öndäde. Soçida Ärmanstan prezidentı Robert Koçaryan belän oçraşudan soñ Putin jurnalistlar aldında çığış yasap taraflar suverenlıq mäsäläsendäge bäxäsne barı tik söyläşülär aşa ğına çişä alaçaq dide. Putin şulay uq taraflarnıñ Gruziä Könyaq Osetiä tınıçlıq kileşüeneñ ütäleşen tikşerüçe urtaq komissiä qararların tormışqa aşırırğa çaqırdı. Rusiä tışqı eşlär ministrlığı Gruziäneñ bu atnadağı bäreleşlärdän soñ Könyaq Osetiädän üz ğäskärlären çığaruın xupladı. Gruziä ğäskärläre Könyaq Osetiä başqalası Sxinwali yanındağı strategik biekleklärne yawlap alğannan soñ, kiçä Gruziä prezidentı Mixail Saakaşvili ğäskärlärne çığarırğa quştı. Putin Koçaryan belän oçraşuda Ärmänstan häm Rusiä arasındağı iqtisadıy mäsälälär turında söyläşte. Rusiä prezidentı bolay dip äytte: “Bezne borçıy torğan qayber yaqlar bar. Min berençe yartıyıllıqtağı tawar äyläneşeneñ kimüen küzdä totam. Işanam bu turıda da söyläşerbez. Anıñ säbäbe säwdäneñ ber törle genä buluında”.
XS
SM
MD
LG