Accessibility links

Кайнар хәбәр

John Kerry respublikannarnıñ saylaw aldı reklamasına protest belderde


Ameriak Quşma Ştatları prezidentlığına nämzät Demokratlar partiäsı wäkile John Kerry Respubliknnarnıñ saylaw aldı reklamına rizasızlığın belderde. Ul Federal saylaw komíssísına möräcäğät itte. Aña zían kiterä torğan wideo tasmalarnı telewidenie aşa kürsätülären tíunı soradı. Süz Wyetnam suğışında qatnaşqan veterannar törkeme quşuı buyınça äzerlängän wideotasma turında bara. Anda Kerrinıñ Wyetnam suğışı veteranı buluı äytelä, ämma küp oçraqta üzeneñ ütkäne turında döres söylämi dielä. Kerri raslawınça bu tasma Amerík Quşma Ştatlar prezidentı Djordj Buş dairäse belän bäyläneştäge keşe quşuı belän äşlängän. Bu belderüdän soñ Aq Yort wäkile Sqot Maq Klellan bolay dip belderde. “Bez inde moña ber nindi dä mönäsäbätebez bulmawnı belderdek inde. Miña qalsa senator Kerrinıñ sabırlığı betä. Ämma bu aña dälillänmägän gäyeplär belän prezidentqa yabırılırğa xoquq birmi”, dide Aq Yort wäkile Sqot Maq Kellan. Saylaw aldı kompanísında Djon Kerri üzeneñ Wyetnam suğışı belän bäyläneştäge ütkänenä ixtibarnı kübräk cälep itte. Bay xärbi täcribäse, keşe ğömereneñ qäderen belü, anıñ saylaw aldı fatírı fikerençä, Kerrigä armí belän dä yaxşı idarä itergä, şulay uq böten il belän dä häm Quşma Ştatlar öçen problem bulğan Ğíraq mäsäläsen çişärgä dä yärdäm itäçäk. Wyetnam suğışında yaralanğan qíu dip bäyälängän Kerrinı anıñ tarafdarları Wyetnam suğışı çorın Texas ştatında xärbi xezmättä ütkärgän Buş belän çağıştıra. Comğa könne Kärri üz tarafdarlarına suğışta qatnaşuı turında bolay dide: “Şunsın açıq itep äytergä telim: min yäş keşe bularaq üz ilemne saqladım häm min anı Amerík Quşma Ştatları prezidentı bularaq ta saqlayaçaqmın”. Federal saylaw komíssísı bu telewideniädä bara torğan reklamnıñ qanunlımı yäisä yuqmı ikänen açıqlaw öçen beraz waqıt kiräk bulaçaq dide.

Nail Alan, Praga.
XS
SM
MD
LG