Ukraina eçke eşlär ministrı urınbasarı Mixail Kornienko, Kievta 20 awgust könne bazarda bulğan şartlawlarnı oyıştıruda şiklänelgän 5 keşe totqarlandı, dip belderde. Alarda şartlatqıç yasaw sxeması häm oppozitsiädäge Ukraina xalıq partiäse äğzaları tanıqlığı tabılğan. Militsiä fikerençä, şartlawlar säyäsi xälne qatlawlandıru öçen oyıştırılğan. Ukraina xalıq partiäse wäkilläre bu gäyepläwne säyäsi provakatsiä dip atıy. 20 awgust könne Troeşçinskiy bazarında bulğan ike şartlaw näticäsendä 11 keşe yaralandı. Alarnıñ berse wafat buldı.
