Soñğı mäğlümätlärgä kürä, 10 nan artıq keşe hälaq buldı. Bomba quyılğan maşina yäkşämbe könne şähär üzägendä şartlatıldı. Anda xökümät binaları häm Berläşkän Millätlär Oyışması wäkillegeneñ baş fatirı urnaşqan. Hälaq buluçılar arasında cirle politsiä xezmätkärlärenä uqular ütkärgän Quşma Ştatlarnıñ ike belgeçe dä bar. Äfğanstandağı xalıqara tınıçlıq köçläre wäkile bolay dip xäbär itte: “Mindä bulğan mäğlümätlärgä kürä, älegä qädär terror ğämäle belän bäyläneştäge ber kem dä qulğa alınmağan. Bälki Äfğanstannıñ äçke äşlär ministrlığı kübräk belä torğandır. Qabulnıñ hawa mäydanında qulında şartlatqıç äzläre bulğan keşe totqarlandı, ämma ul bu xäl belän bäylänmägän bulırğa tieş”.
