Respublikannar qorıltayı: Cheney Kerrygä höcüm itte, möselman-amerikannar üzlären ällä ni kürsätä almadı

Çärşämbe kiçne vitse prezident D.Cheney (audio) Prezident G.Bush citäkçelegendä bez Amerikanı saqlau, terroristlarnıñ köç qullanuın urınında tuqtatu häm yaqın könçığışnı iske näfrät häm açulardan yıraqlaştıru ireklek kenä kiterä alğan ezlekle tınıçlıqqa alıp barırğa yardäm öçen yaña säyäsät alıp bara başladıq yaña oyışmalar buldırdıq İyül ayında Bostonda Demokratlarnıñ qorıltayında Bush köndäşe J.Kerry, administratsiä suğıştan elek yevropalı berektäşlär belän xezmätäşlek itmi AQŞnıñ Ğıraqtağı tırışlıqların zäğiflätte dip äytkän ide. Cheny isä administratsiä berektäşlärdän torğan koalitsiä belän citäkçelek itep Äfganstan häm Ğıraqta rejimnarnı cimerde digän cawap qaytarıp , AQŞnıñ iminlek mäsälälärendä BMOnıñ rolen kire qaqtı. Cheney(audio) Prezident küp illärdän torğan koalitsiä belän citäkläw belän berniçä keşeneñ qarşılıq kürsätüenä rizalıq birü arasında ayırma buluın bik açıq itep añlattı. G.Bush Amerika xalqın saqlau öçen ber qayçan da röxsät soramayaçaq. Vitse prezident Cheney qorıltaydağı çığışında Kerrynıñ 20yıllıq senatorlıq kariärasına da höcüm itep anıñ küp kenä xärbi çaralarğa qarşı tawış birüen äytep(audio) Senator 20yıl buyına ilgä täsire bulmağan xatalar yasıy ala . Ämma prezident här waqıt döres,xälitkeç tawış birergä tieş. Amerikağa kiräk häm Amerikanıñ andıy prezidentı bar. Cheney dä Bushnı yaqlarğa qarar birgen demokrat senator Zell Miller dä qorıltayda prezident namzätına şaqtıy kisken höcümnär yasadı. Möselman-Amerikannar 4 yıl elek G.Bushnı yaqlap tawış birgän ide.Ämma 11nçe sintäberdän soñ AQŞta alıp barıla başlanğan terrorğa qarşı säyäsät säbäple küplär partiädän yıraqlaştı. NYta respublikannarnıñ qorıltayında alar çığışlar yasasa da, ällä ni küzgä bärelmäde. Bu atnada respublikannar qorıltayı Nyu York şähre politsiä departamentındağı imam İzaq el Mu-eed Pashanıñ doğaları Qor''ännän kitergän sitatlar belän başlandı.Annan soñ Ğıraqta tuğan Zaynab al Suwaij Saddamnı bärep töşergän Bushnı nıq yaqlap çığış yasadı.4könlek qorıltayda möselmannar çığış yasasalar da ällä ni üzlären kürsätä aldılar dip äytep bulmıy. Amerikan-Möselman Mönäsbätläre Şurası süzçese İbrahim Hooper respublikannar ildä yäşäwçe 7million möselmanğa ällän yaqınaya almadı dip äytte. Demokratlarnıñ bıyılğı platformında AQŞnıñ qapma-qarşılıqlı anti-terror qanunı küzdän kiçerelergä tieş dip äytelä. Ğäräb-Amerikan partiä aktivistları Bushnıñ ikençe mäddätendä sivil ireklek häm Yaqın Könçığış solıx protsesına ähämiät bireler dip ömed itä. Fiker beleşülärgä qarağanda çığışı belän Livannan bulğan Ralph Nader Ğäräb-amerikannar arasında bik popular Nader bäysez namzät .Möselmannar häm ğäräb amerikannar (alarnıñ öçtän ber öleşe möselman) ğomumän alğanda Kerrynı östenräk kürä ikän. Ämma ğäräb –amerikannar radiobız ütkärgän öngämälärdä partiä bezneñ borçılularğa iqtibar itäçäk dip äytkän.Qorıltayğa Virginiadan kilgän ğäräb amerikan wäkil George Selim (audio) älegä qädär kürgännärgä şatlanam,ämma qänäğät tügel,Respublikannar Partiäse azçılıqlarnı bigräk tä ğäräb-amerikan cämäğätçelegen cälep itü öçen kübräk eşlärgä tieş.Ämma tırışlıq kürsätelä häm bu möhim . Qorıltayda Kaliforniadan kilgän kongresmen Darrel İssa Bush suveren Fälästin däwläten yaqlıy häm min prezident yaqın könçığışta zur üzgäreşlär kiteräçäk dip ışanam dip söylägän färidä xämit,praga