Accessibility links

Кайнар хәбәр

Başqortstanda Beslan faciğäse uñayınnan matäm könnäre


Bügen Tönyaq Osetiädä bulğan faciğä uñayınnan Başqortstanda matäm köne.Republík Prezidentı Mortaza Räximov faciğä uñayınnan uzğan atna axırı Osetiä Prezidentı Aleksandr Dzasoxovqa qayğı urtaqlaşu telegramması künderde , bügen republík xalqına möräcäğät belän çıqtı.Anda “Republík xalqı bu wäxşi , keşeleksez aksídan şoq xälendä.Anı yasawçılar keşe tügel.Balalar üterüçelär keşe dip atala almí“, dielgän.Möräcäğät republík xalqın uyu bulırğa çaqıra.

“Qızıl xaç“ oyışması häm republíknıñ Sälamätlek saqlaw ministerlığı zían kürüçelärneñ ğailälärenä yärdäm itü öçen bankta maxsus xisap açıluın xäbär itte.

Republíknıñ Ğädättän tış xällär ministerlığı “Ğädäti bulmağan xällärgä äzer bulu häm saqlıq çaraların üsterü turında“ färman birde.

Eçke eşlär ministerlığı isä bu könnärdä “Wixr — Antiterror“ operasísın ütkärä.5681 uqu yortı nıqlı küzätü astına alınğan. Ufa yäşläre uzğan yal könnärendä terrorğa qarşı miting uzdırdı.
XS
SM
MD
LG