Yevropa Berlegeneñ kiñäyü mäs'äläläre öçen cawaplı komissionerı Guenter Verhaugen, Törkiä Berlekkä kerü söyläşülären başlarğa äle äzer tügel, dip belderde. Verhaugen Törkiädä reformalar barışına bäyä birer öçen bügen Änkarağa kilde. Üktäbrneñ 6sında Yevropa Komissiäse bu xaqta xisabın iğlan itergä tieş. Komissiä başlığı süzlärenä qarağanda, Törkiä Berlek äğzase bulır öçen söyläşülär başlaw däräcäsenä äle üsmägän, häm üktäbr äzerlänäçäk xisapta Komissiä üzeneñ "ğadel täqdimnären" iğlan itäçäk. Dekabrdä Yevropa Berlege citäkçeläre cıyılğan çaqta äğzalıq söyläşülär başlar öçen waqıt bilgelärgä tırışıqan Törkiä - reformalar uzdıra başlağan ide. Ay başında Germaniä tışqı eşlär ministrı Yoschka Fischer, Törkiä Yevropa Berlegenä 10-15 yıl uzmıyça torıp kerä almıyaçaq, dip beldergän ide.
