Serbiä prezidentı Boris Tadiç üpkä yalqınsınuı belän xastaxanägä salındı. Prezident administrasiäse yasağan belderüdä, "Tadiç Belgradnıñ xärbi xastaxanäsenä salındı, ul köndälek eşlären däwam itäçäk, ämma xäle yaxşırğançığa qadär monda qalaçaq", dielä. Üz säyäsätendä başlıça Serbiäneñ Yevropa Berlege häm NATOğa quşıluın maqsat itep quyğan Boris Tadiç prezident itep iün ayında saylandı.
