Yugoslaviäneñ elekke prezidentı Slobodan Miloşeviç'qa ber tapqır kiñäşlär birgän xoquq professorı Smilja Avramov bügen berençe tapqır mäxkämädä sorawlarğa cawap birde. Yugoslaviäneñ tışqı eşlär ministrlığınıñ da kiñäşçese bulıp torğan Avramov, 1990nçı yıllarda Serb citäkçese belän aralaşunı tuqtatuın belderde. Xökem eşen däwam itterer öçen uzğan atnada Miloşeviçqa advokatlar Steven Kay häm Gillian Higgins bilgelände. Miloşeviç alar belän xezmättäşlek itmiäçägen belderde. Mäğlümat bulğança elekke Yugoslaviä citäkçesenä 90nçı yıllardağı Xorvatiä, Bosniä häm Kosovodağı suğışlar belän bäyle 66 maddädän torğan ğayepläw belderelgän.
