Qabul. Äfğanstandağı amerikan xärbiläre süzlärenä qarağanda, ildä Talibannı yaqlaw kimi bara häm bu xäräkät xäzer Qabuldağı yaña xakimiat belän tatulaşırğa teli. Quşma Ştatlarnıñ xärbi wäkile Scott Nelson bügen, äfğan xökümäte belän Taliban wä Hezbe-İslami oyışması arasında atışlarnı tuqtatu söyläşüläre bara dip belderde. Ul şulay uq, terrorçılar Äfğanstandağı totrıqlılıqqa tä'sir itü sälätenä inde iä tügel, äl-Qaidäneñ soñğı belderüläre barı tik ildäge täräqqiatne bozu omtılışı ğına bulıp tora dide. Ä menä amerikan köçläreneñ töp başlığı general Eric Olson süzlärenä qarağanda, äl-Qaidä başlıqları üz qaldıqları aşa ildä höcümnärne haman da däwam itä. Ul bu xaqta bügen France Press agentlığına belderde.
