Aşğabad. Bügen Törkmanstan başqalasında ütkärelgän maxsus tantanada, prezident Niazovnıñ uquı här törkmän öçen mäcbüri bulğan ikençe kitabı täqdim itelde. Törkmänbaşı isemen alğan Saparmorad Niazovnıñ berençe kitabı - "Ruxnamä"dä prezidentnıñ Törkmänstan tarixına üz täfsire birelsä, anıñ ikençe kitabı ğailä qimmätläre häm watandarlıqqa bağışlana. "Ruxnamä"ne uqu mäktäp balalarına ğına tügel, ruxi wä mädäni täräqqiat xaqına olılar öçen da motlaq sanala. Şimbä könne Törkmänstan basmaları, parlamentnıñ ildäge iñ biek taw isemen "Böyek Törkmänbaşı Oçı" dip üzgärtüe xaqında xäbär itte.
