Rusiä finans ministrı Aleksey Kudrin iminlek oyışmalarınıñ terrorğa qarşı köräşne yaxşırtu öçen kiläse yılda milliardlarça dollar östämä aqça alaçağın belderde.
Bügen Kudrin iminlek çığımnarınıñ 157 milliard sumğa arttırılaçağın iğlan itte.
Östämä 50 milliard sum Federal' İminlek Xezmätenä, Eçke Eşlär Ministrlığına häm Tışqı Küzläw Xezmätenä bireläçäk. Saqlanu Ministrlığına östämä 107 milliard sum bireläçäk.
Elegräk Kudrin cämäğätçelek urınnarında, şul isäptän Mäskäw metrosında iminlekne nığıtu öçen kiläse yıl büdjetında tağın 2 milliard sum bülenüen iğlan itkän ide.
