Accessibility links

Кайнар хәбәр

Täwhid wä Cihad Ğiraqta 60-lap keşene ütergän 2 höcüm öçen cawaplılıqnı üz östenä aldı


Äl-Qaidä belän bäyläneştä buluda şiklänelgän Ğiraq suğışçan törkeme bügen Ğiraqta 60-lap keşene ütergän 2 höcüm öçen cawaplılıqnı üz östenä aldı. Bağdadta politsiä binası yanında maşinağa quyılğan bomba şartlawdan kimendä 47 keşe hälak buldı. Başqaladan tönyaqta, Baquba şähärendä qorallı keşelär politsiä maşinasına ut açıp maşinadağı 11 politsiä xezmätkären häm maşina yörtüçene üterde. Täwhid wä Jihad oyışması internet aşa Bağdadtağı höcümne bezneñ ber intixarçıbız başqardı dip belderde. Başqa ber belderüdä şul uq törkem Baqubadağı höcüm öçen çawaplıqlıqnı üz östenä aldı. Täwhid wä Jihadnı iordaniäle Äbü Musab äz-Zärqäwi citäkli dip isäplänelä. Ğiraqta soñğı aylardağı höcümnär häm keşe urlawlar öçen ğäyeplänüçe äz-Zärqäwine totarğa yardäm itüçegä Quşma Ştatlar 25 million dollar wäğdä itä.
XS
SM
MD
LG