Bıyıl yaña uqu yılı başlanır aldınnan respublikada 18 yaña belem biru uçrejdeniese açıldı. Altı yaña mäktäp berençe sentäberdä balalar qabul itte. Alar arasında respublikanıñ Kiäs rayonındağı Müşäk isemle tatar awılında da yaña mäktäp binası safqa bastı.
Udmurtiäneñ Kiäs rayonında tatarlar baytaq. Biredä mädäni oyışma bar, ansambl' dä aktiv eşläp kilde. Rayon üzäge Kiästa balalarnı fakul'tativqa ğına cıyıp tatar telen dä uqıtırğa tırıştılar. Ämmä mäktäplärdä tatar telen fän bularaq uqıtuğa ireşä almıylar. İkençe ber awılda — Tawcamal — saf tatar awılı bulsa da, elegä balalar tuğan tellärendä uqımıy. Döres, anda berniçä yıl elek millättäşlärebez tırışlığı belän mäçet tözelde, mädräsägä balalar da sabaqqa yörilär, ämmä dini uqu yortı belem birü mäktäben xiç tä alıştıra almıy. Tawcamaldan yıraq bulmağan Müşäk awılında tatarlar san buyınça küpçelekne täşkil itä. Bu awılda da balalar mäktäptä tuğan telen öyränüdän mäxrüm. Mäktäp binası da monnan 130 yıl elek tözelgän, anda da balalar sıymaw säbäple, alarnı durt yaraqlaştırılğan binada ukıttık, dip urtaqlaştı mäktäp direktorı Gölnara xanım Yapparowa. Müşäk awılında yaña mäktäp binası açıluı bezneñ öçen zur şatlıq dip däwam itte direktor.
Awılda mäktäp tözeleşe respublikadağı maxsus prezident programmasına kertelde, ul programma bulmasa bezgä äle tağın niçä yıllar mäktäp küräse yuq ide dip quydı Gölnara Gabdelxay qızı. Biredä uquçı balalarnıñ yartısı diärlek tatar ğailälärendä tärbiälä, nihayät, tatar telen uqıtu öçen dä mömkinleklär buldı, dip söyenä Gölnara Yapparova.
(audio) Respublikada saylawlar uzğan çorda bu awılda Udmurtiä tatar ictimaği üzäge citäkçese Fnyun Mirzayanov ta bulğan, ul da alarğa başlanğıçlarında yärdäm itärgä ışandırğan. Müşäk awılı mäktäbe direktorı Gölnara xanım Yapparova tatar telendä däresleklär qayğırta. Awıl mäktäbe uqıtuçılarınıñ, ata—analarnıñ, uquçılarnıñ başlanğıçlarında mägärif ministıyrlığı da häryäklap yärdäm itärgä äzer. Şulay bergä eşne başlap cibärä alsalar, hiçşiksez, näticä dä ozaq köttermäs.
