Ukrainada ütkäreläçäk prezident saylawlarında oppozitsion namzät Viktor Yuşçenkonıñ saylaw köräşen oyıştıruçılarnıñ berse Oleksandr Zinçşenko Yuşçenkonı ağulağan bulırğa mömkinnär dide.
Zinçşenko äytüençä, Yuşçenko uzğan atnada qatı awırıp kitep saylaw aldı köräşen tuqtatırğa mäcbür bulğannan soñ Vienada meditsina tikşerüe aşa ütkän.
Zinçşenko äytüençä, tikşerü Yuşçenkonıñ awıruına virus infeksiäse häm ğädättä azıqta bulmıy torğan ximik matdälär säbäp buluın kürsätkän.
Zinçenko bu waqıyğa kemneñder yaqınlaşıp kilüçe saylawlarda Yuşçenkonı saylaw köräşennän çitläşterergä teläwen kürsätä dide.
Urkainada prezident saylawları 31-nçe üktäberdä ütäçäk. Fiker beleşülär Yuşçenkonıñ töp köndäşe premyer-ministr Viktor Yanukoviçtan 5-10 protsent kübräk tawış cıyu mömkinlegen kürsätä. Ukraina prezidentı Leonid Kuçma Yanukoviçnı yaqlıy.
