Venada urnaşqan Xalıqara Atom Agentlığınıñ idarä şurası İrannıñ atom programmasın täñqitlägän rezolüsiä ölgesen äzerli. Amerika Quşma Ştatları däwlät sekretare urınbasarı John Bolton belderüen 35 äğza cıyılğan utırışta amerikan wäkilçege başlığı Jackie Sanders uqıp birde. Bolton rezolüsiä proektın tulısınça xuplıy. Anda İrannı uran bayıtu programmasın tuqtatırğa çaqıru bar, häm atom programması turında xisap birü waqıtı itep – noyaber ayı bilgelängän: (audio) "Bu atnada Venada näticäle söyläşülär uzdı. Amerika Quşma Ştatları rezolüsiä ölgesen tulısınça xuplıy. İran üzendä atom qoralı citeşterep tulısınça izolyasiädä qala häm rezolüsiä proektında bu xaqta äytelä," dide atom agentlığındağı amerikan wäkilçelege citäkçese Jackie Sanders. Quşma Ştatlarnıñ, İranda atom qoralı citeşterelä digän ğayepläwen Tähran kire qağa.
