Accessibility links

Кайнар хәбәр

Könyaq Korea Qazaxstannan uran mäğdäne alıp toraçaq


Bügen Rusiägä 4 könlek säfärgä Könyaq Korea prezidentı Noh Moo-hyun kilde. Rusiä prezidentı Putin belän bulaçaq oçraşuda süz iminlek mäs'äläläre häm iqtisadi xezmättäşlek turında barır dip kötelä. Rusiägä Noh Qazaxstannan kilde. Anda Könyaq Korea prezidentı ike il arasında neft ölkäsendä xezmättälek häm Könyaq Koreağa uran mäğdäne cibärü turındağı kileşülärgä qul quydı. Astanada Koreaq Korea prezidentı Qazaxstan il başı Nursoltan Nazarbayev belän oçraştı. (audio) "Bez Könyaq Koreağa cibäräçäk uran mäğdäne - ilgä kiräk bu maddäneñ çirege genä häm bez bu ixtyacnı kimetergä telibez," dide Qazaxstan prezidentı. Kileşü nigezendä Qazaxstan Känyaq Koreağa yılına ber meñ tonna uran mäğdäne cibärep toraçaq. Könyaq Korea Qazaxstannıñ Kaspidağı neft yatmalarında infrastruktura häm yaña proyektlar tözergä yardäm itäçäk.
XS
SM
MD
LG