Accessibility links

İrkutskida Rodina partiäseneñ 2 aktivistı üterelde


Rusiäneñ İkrutski ölkäsendä Rodina partiäseneñ cirle parlament saylawlarına äzerlek eşen alıp baruçıı 2 äğzası atıp üterelde. Partiä citäkçelege monı säyäsi üterü dip sanıy. İrkutski militsiäse äytüençä, Marina Maraxovskaya häm Yan Travinski uzğan töndä bilgesez keşelär tarafınan üterelgän. Alar üktäberneñ 10-ında ütäçäk cirle parlament saylawlarına äzerlek eşe alıp barğan. Rodina citäkçese Dmitriy Rogozin Rusiäneñ NTV televideniesenä bu säyäsi üterü häm partiä äğzaların moral' köçsezländerü omtılışı dide. Rogozin xakimiätlär belän bäyläneştäge qayber keşelärneñ Rodina partiäsen säyäsi köç bularaq yuq itü teläge bulırğa mömkin dide. Ämma ul beräwne dä iseme belän atamadı.
XS
SM
MD
LG