Ukrainada ütäçäk prezident saylawlarındağı oppozitsion namzät Viktor Yuşçenko östämä meditsina tikşerüläre ütü öçen bügen yañadan Awstriägä kitte.
Sintäber ayında Yuçşenko anda däwalanğan ide. Ul Vienadağı şul uq xosusıy xastaxanägä baraçaq. Yuşçenko üzeneñ awıruın Ukraina xakimiätläreneñ anı ağulawı belän añlata.
Vienadağı Rudolfinerhaus xastaxanäseneñ Yuşçenkonı qarawçı tabibı Nikolay Korpan kiçä jurnalistlarğa Yuşçenkonıñ awıruı säbäbe älegä tulısınça açıq kileş qala dide.
Ukrainada prezident saylawları 31-nçe üktäbergä bilgelängän. Fiker beleşülärdä Yuşçenko töp köndäşe premyer-ministr Viktor Yanukoviçtan aldaraq tora.
