Bügen Äfğänstan vitse prezidentı Kärim Xälili Äfğänstan watandaşların 9-nçı ütkäberdä ütäçäk prezident saylawlarında qatnaşırğa çaqırdı.
Xälili bu saylawlar ildä tınıçlıq häm totrıqlılıqqa taba zur adım bulaçaq dide.
Bügen kürşe Paqstanda Äfğänstandağı prezident saylawlarında tawış biräçäk äfğän qaçaqların terkäw başlandı. Terkälü yaxşı bara dip xäbär itelä.
Xalıqara Migratsiä oyışması aldağı 3 köndä Paqstandağı qaçaq lagerlarındağı häm şähärlärdäge 1600-läp tawış birü urınında 800 meñläp qaçaqnı terkärgä äzerlänüen belderde.
