Accessibility links

Кайнар хәбәр

Milli respublikalarnı beterü millätlärneñ yuğaluına kiteräçäk


Soñğı aralarda Rusiädä xakimiät vertikalen nığıtu, töbäk citäkçeläre xalıq tarafınnan tügel, ä prezident täqdime buyınça cirle qanun çığaru cıyılışları raslaw turında söyläşülär küp bara. Bu könnärdä älege temalarğa tağın beräw östälde. Törle üzäk mäğlümät çaralarında Rusiädä milli respublikalarnı beterü turında süzlär könnän-kön yışaya. Menä yäkşämbe könne Berençe – ORT kanalında efirda çıqqan Vremena tapşıruında da anıñ alıp baruçısı Vladimir Pozner studiä qunaqları belän Vladimir Putinnıñ soñğı täqdimnäre xaqında söyläşte. Monda da kilgän qunaqlarnıñ küpçelege Rusiädä milli töbäklärne beterergä kiräk, digän fikerne alğa sörde. Xäyer, qayber belgeçlär, milli respublikağa iä bulğan tatarlar, başqortlar moña niçek qarar soñ, dip tä uylanırğa täqdim ittelär.

Çınlap ta, tatarlar, tatarstanlılar Rusiädä soñğı aralarda bara torğan säyäsi reformalarğa nindi mönäsäbät kürsätä? Xakimiät wäkilläre älege xaqta fikerlären belderergä aşıqmıy. Xäyer, qayber deputatlar tawışı işetelä. Mäsälän, Däwlät Şurası Marat Ğäliev üzeneñ çığışında Rusiädä töbäk citäkçelären saylamawnıñ yaxşı yaqlarına qarağanda, naçar yaqları kübräk, dide.

Ä menä Qazanda yäşäwçe, milli xäräkättä qatnaşuçı Saidä Appaqova älege täqdimgä tiskäre mönäsäbät kürsätä. Saidä Appakova Rusiädä milli respublikalarnı beterügä dä qarşı çığa.

Milli respublika bulğanda ğına xalıq üzeneñ mänfäğätlären yaqlıy, üzeneñ telen, mädäniäten, ğöref-ğädätlären saqlap qala ala. Tatarstan bulmasa, çittäge millättäşlärebezneñ tormışı da awıraya. Älege respublikalarnı nigä beterergä telilär? Bezneñ üzebezneñ xezmätebez belän alğa kitkän Tatarstannı yuqqa çığarır öçen, törle millätlär arasında nizağ çığarır öçen eşlänelä, minemçä, bu eş. Bezgä xäzer ayıq aqıl, sabırlıq belän eş itärgä kiräk

Qazanda yäşäwçe Saidä Appaqova Rusiädä soñğı aralarda bara torğan säyäsi reformalar qarata menä şundıy mönäsäbättä tora.

Gölnaz İlgizär

XS
SM
MD
LG