İzrael xärbi köçlär başlığı Moşe Yaalon, Tönyaq Gaza'da xärbi çara kiräk bulsa – atnalarğa suzılırğa mömkin, dip belderde. Fälestinnär İzrael yağına raketa atunı tuqtatqançı – İzrael ğaskärläre annan kitmiäçäk, dide Yaalon İzrael radiosına.
Ul arada İzraelneñ raketa höcümendä tağın 5 fälestinleneñ hälak bulğanı turında xäbär kilde. Şulay itep 5 köndä hälak buluçılar sanı inde 60tan arttı. Fälestin premyer-ministrı Ahmed Qurei bu ğamällärne "tupas" dip atadı. (audio) "Fälestin xalqına qarşı şuşı "tupas" höcüm – diskriminasiä bulıp tora, häm ul – dönyada keşelär iñ tığız uqmaşıp yäşägän urınnarnıñ berse – Jabalya qaçaqlar lagerenä qarşı oyıştırıla" dide Qurei.
BMO General Sekretare Kofi Annan ike tarafnı da köç qullanunı tuqtatırğa çaqrıdı.
