Gruziäneñ üzbilgelängän Abxaz respublikası menä inde 3 kön iğtibar üzägendä, xörmätle tıñlawçılar. Qara diñgez buyında urnaşqan bu töbäktä ni barı 120 meñ saylawçı terkälgän, tawış birergä şularnıñ 80 meñe kilgän. Bu tawışlar äle dä sanalıp betmägän. Sişämbe irtäsendä Abxaziäneñ üzäk saylaw komissiäse ike töbäktän alınğan näticälärne iğlan itte. Başqala Suxumda häm Gagra töbägendä bik keçkenä östenlek belän alda premier-ministr Raul Xajimba bara. Anıñ töp köndäşe, elekke premier, xäzer "Çernomorskenergo" kompaniäse başlığı Sergei Bagapş berniçä tawışqa qalışa. Düşämbedä Rusiä mäglümät çaraları saylaw komissiäse internet säxifäsenä tayanıp Xajimbanıñ 53% cıyuı turında xäbär itkän ide. Soñraq komisiä bu mäglümätne kire qaqtı, tawışlar äle sanalıp betmägän, räsmi näticä äzer tügel dip belderde. Sişämbedä komissiä räise Sergei Smır, könyaqtağı Gali töbägennän näticälär äle dä kilep citmäde dide:
Audio (Sergei Smır): "Bügenge köndä Gali töbägennän, 33, 34, 35nçe cirle komissiälärdän näticälär äle dä yuq. Şuña kürä aşıqtırmağız, bez bolay da tiz eşlärgä tırışabız."
Gali töbägendä kübesençä görcilär yäşi. 1992-93 yıl bäreleşläre waqıtında kitep, soñğı yıllarda alar kire qayta. Andağı saylawçılarınıñ kübese Sergei Bagapş öçen dip sanala. Äytkändäy, anıñ xatını görci. Xajimba xärämläşülärneñ kübese näq menä Gali töbägendä bulğan, saylawçılarnı Bagapşqa köçläp tawış birdertkännär dip belderä. Bagapş bu ğäyepläwlärne kire qaqtı häm düşämbedä üzeneñ ciñüe turında belderde.
Audio (Sergei Bagapş): "Bez bu saylawlarnı ciñdek, 51% çaması cıydıq. Bu 45 meñ tawış digän süz, köndäşneke – 28 meñ. Yağni, bezneñ östenlek 17 meñ tawış."
Köndäşlärneñ ikese dä Tbilisidan bäysez bulu öçen. Misal öçen Bagapşnı Gruziä belän suğış veterannarınan torğan millätçe Amtsaxara törkeme xuplıy. Şuña da qaramastan räsmi Tbilisi Mäskäw keşese sanalğan Xajimbağa qarağanda, millätçe Bagapş belän urtaq tel tabu ciñelräk bulır digän fikerdä. Düşämbedä Gruziäneñ Nizağlarnı xäl itü ministrı Giorgi Xaindrava, Mäskäw Xajimbanı ciñderü öçen qulınnan kilgänen eşliäçäk dide. Kreml Xajimbanı xuplawın yäşermi dä. Awgust ayında Rusiä prezidentı Vladimir Putin Dagomısta Xajimba belän oçraştı. Räsmi Tbilisi bu oçraşu uñayınnan rizasızlıq belderde. Düşämbedä Rusiäneñ Tışqı eşlär ministrlığı Abxaziädä ütkän saylawlarnı "demokratik" dip atadı. Ä menä Yevropada İminlek häm Xezmättäşlek oyışması bu saylawlarnı, qanunsız dip bäyäli.
-Ali Gilmi
Audio (Sergei Smır): "Bügenge köndä Gali töbägennän, 33, 34, 35nçe cirle komissiälärdän näticälär äle dä yuq. Şuña kürä aşıqtırmağız, bez bolay da tiz eşlärgä tırışabız."
Gali töbägendä kübesençä görcilär yäşi. 1992-93 yıl bäreleşläre waqıtında kitep, soñğı yıllarda alar kire qayta. Andağı saylawçılarınıñ kübese Sergei Bagapş öçen dip sanala. Äytkändäy, anıñ xatını görci. Xajimba xärämläşülärneñ kübese näq menä Gali töbägendä bulğan, saylawçılarnı Bagapşqa köçläp tawış birdertkännär dip belderä. Bagapş bu ğäyepläwlärne kire qaqtı häm düşämbedä üzeneñ ciñüe turında belderde.
Audio (Sergei Bagapş): "Bez bu saylawlarnı ciñdek, 51% çaması cıydıq. Bu 45 meñ tawış digän süz, köndäşneke – 28 meñ. Yağni, bezneñ östenlek 17 meñ tawış."
Köndäşlärneñ ikese dä Tbilisidan bäysez bulu öçen. Misal öçen Bagapşnı Gruziä belän suğış veterannarınan torğan millätçe Amtsaxara törkeme xuplıy. Şuña da qaramastan räsmi Tbilisi Mäskäw keşese sanalğan Xajimbağa qarağanda, millätçe Bagapş belän urtaq tel tabu ciñelräk bulır digän fikerdä. Düşämbedä Gruziäneñ Nizağlarnı xäl itü ministrı Giorgi Xaindrava, Mäskäw Xajimbanı ciñderü öçen qulınnan kilgänen eşliäçäk dide. Kreml Xajimbanı xuplawın yäşermi dä. Awgust ayında Rusiä prezidentı Vladimir Putin Dagomısta Xajimba belän oçraştı. Räsmi Tbilisi bu oçraşu uñayınnan rizasızlıq belderde. Düşämbedä Rusiäneñ Tışqı eşlär ministrlığı Abxaziädä ütkän saylawlarnı "demokratik" dip atadı. Ä menä Yevropada İminlek häm Xezmättäşlek oyışması bu saylawlarnı, qanunsız dip bäyäli.
-Ali Gilmi