Taba, Mısır. Bügen dä biredä, şartlaw kiçergän qunaqxanä xaräbäläre astınnan isän qalğan keşelärne ezläw eşläre däwam itte. İzrail xärbiläre, anda tağın ike keşeneñ mäyete tabıldı, ülüçelär sanı şulay itep 32-gä citte dip belderde. Alar, hälak buluçılarnıñ 27-se İzrail watandaşı, qalğannarı başqa il keşeläre dip farazlıy. Mısır mäğlümat çaraları, İzrail watandaşları yarataıp yörgän urınnarda atnakiç bulğan şartlawlarda kimendä 149 keşe törle cäräxätlär alğan dip xäbär itä. Rusiäneñ Mısırdağı wäkile süzlärenä qarağanda, anda 12 urıs watandaşı haman da xäbärsez yuğalğan dip sanala.
