Britaniä tışqı eşlär ministrı Straw Ğiraq suğışın yaqlap çığış yasadı

Jack Straw küzläw mäğlümätläreneñ döres bulmawına qaramastan Britaniä xökümäteneñ Ğiraqta suğış başlawnı xuplaw qararın yaqladı. Xäzer AQŞ häm Britaniä xökümätläre Ğiraqta küpläp üterü qoralları bar dip suğış başlağan öçen tänqit utına totıla. Ğiraqta andıy qorallar haman da tabılmadı häm Waşingtondağı Ğiraq Tikşerü Törkemeneñ uzğan atnada iğlan itelgän xisabında Ğiraqta küpläp üterü qoralları yasaw turında ğämäli programmalar bulmağan digän näticä yasaldı. Ämma Straw Ğiraqnıñ elekke citäkçese Säddam Xösäinne xakimiättän töşerü döres ğämäl buldı dide.

AUDİO: Xäzer bez qayber küzläw mäğlümätläreneñ döres bulmawın açıq kürsäk tä, min haman bezneñ qararlaq häm bezneñ ğämällär döres bulğan dip isäplim.

Straw Säddam xakimiäten, tıyılğan qoralı bulmağan kileş anı bar dip kürsätergä tırışuda ğäyepläde.