BMO häm Äfğänstan wäkillärennän torğan Urtaq Saylaw Xäyäte uzğan şimbädä ütkän prezident saylawlarınıñ berençel yaqınça näticälären iğlan itte.
Xäyätneñ baş texnik kiñäşçese Reg Austin saylawlarda 8 millionlap äfğän, yäğni terkälgän saylawçılarnıñ 75-85 protsentı qatnaşuı turında belderde.
Xäyät belderüençä tawışlarnı ğämäli sanaw äle başlana ğına. Ämma tawış birü tartmalarındağı bülletennärne sanaw, yäşerenlek öçen törke wilayätlärdäge bülletennärne bergä quşu, häm alarnı törkemnärgä ayıru eşe Qabul, Kunduz häm Kandahardağı ölkä tawışlarnı sanaw üzäklärendä inde başlanğan. Şimbägä qädär bu eşlär tağın 5 ölkä sanaw üzägendä başlanır dip kötelä.
